« Izan batekiko promesa betea | Gazteak eta poesiaren akuilua »
Ehun zaldi trostan / Ainhoa Urien / Elkar, 2025
Bi munduren artean Paloma Rodriguez-Miñambres / El Correo, 2026-01-09
Kontraesankorrak edo joan-etorrikoak diren joeren arteko tentsioan oinarritzen da Urienen fikziozko lehen lana. Konplexurik gabe seinalatzen ditu gizakiaren ahuldadeak. Lehen ipuinak bataiatzen du liburua; eta eraikitzen duen protagonista interesgarria da oso. Haren bitartez, baserrian emakumezkoen lekua zein izan den erakusten du eta baserriko mundu ikuskera eta kalekoa aurrez aurre jartzen ditu: intimitatearen kontzeptua, animaliak tratatzeko modua, jakintza eta teknologia… Erroei kateatuta dago, baina askatzeko beharra ere sentitzen du. Eraikitzen duen atmosfera hain da indartsua ezen hurrengo sei ipuinak zipriztintzen baititu. Lehen zaldia trostan sumatu orduko atzetik datozkio hurrengo laurogeita hemeretziak. Bigarren ipuinean jotzen du goia; “Gabonetako oparia” euskal kulturaren eta latindarraren arteko koalizioan eraikitzen da, kultua denaren eta gutxietsitako herri-jakinduria dikotomien artean dabil dantzan. Kontakizuna sintetikoa da eta tentsioari eusten dio. “Olinpiadek lasaitu egiten naute” ipuinean ere informazioaren dosifikazioa maisuki menderatzen du idazleak. ideltasuna, desioa eta nortasunaren eraikuntza gai zentralak dira eleberri koral honetan. Animalien portaera zentrala da liburuan; ipuin gehienetan ageri dira emozioen indargarri edo joera gizatiarren kontrastean; “Atzera kontaketa bat katastrofera” ipuinean katu baten garunetik osatzen du kontaketa osoa. Ipuin solteen artean loturak txirikordatzeko ofizioa erakusten du Urienek.
Arabako Foru Aldundiak lehenengoz antolatutako Ignacio Aldekoa bekari esker findu du liburu hau idazleak. Nabarmentzekoak dira ipuin bakoitzaren hasierarako hautatu dituen erreferenteak eta haien hitzak, eta ipuinetan gozagarri ageri da greziar mitologiaren eta korronte filosofikoen inguruan duen jakintza. Dudarik gabe, 2025ko altxorretako bat.
Nola esaten zaio agur ama bati
Uxue Razkin
Peru Iparragirre
Mari-alderrai
Colette
Aritz Galarraga
Erreplika
Maialen Berasategi Catalan
Ibon Egaña
Hegal egiten
Eneko Bidegain
Mikel Asurmendi
Sorbatza
Markel Sanchez
Asier Urkiza
Dakigun hori
Garazi Arrula Ruiz
Nagore Fernandez
Ipuinak eta antzezlanak
Lourdes Iriondo
Amaia Alvarez Uria
Ezezagunak trenean... irakurtzen
Miren Billelabeitia
Paloma Rodriguez-Miñambres
Dakigun hori
Garazi Arrula Ruiz
Mikel Asurmendi
Narrugorrik
Ixiar Rozas
Peru Iparragirre
Lera
Castillo Suarez
Maialen Sobrino Lopez
Hezitopia
Nora Salbotx
Joxe Aldasoro
Atzerakarga
Fermin Etxegoien
Asier Urkiza
Manifestu filosofikoa
Agustin Arrieta Urtizberea
Aritz Pardina Herrero