susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Amets egiteko idatzitako lerroak | Egunerokoak »

110. street-eko geltokia / Iñaki Zabaleta / Elkar, 2003

New York-en galdua Javier Rojo / El Correo, 2003-10-05

Iñaki Zabaletak literaturaren arloan liburu bat baino gahiago argitaratu du, baina “110. Street-eko geltokia” izeneko nobelaren arrakasta ikusita, esan daiteke idazle honek gure artean hain maiz gertatu den fenomenoaren adibidea dirudiela: liburu bakarreko idazlearena. Alde honetatik, liburuaren arrakastaz gain, kontuan hartu behar da orain dela hogei urte lehenengo aldiz argitaratu zenez geroztik, literaturaren arloa alde batera utzi duela idazleak. Orain argitarapen berrian agertzen zaigu liburua, testua zuzenduta eta epilogo batez emendatuta. Nobela beltzaren alorrekoa dela esan izan da. 70ko hamarkadaren hasieran New York-era ihes egindako mutil euskaldun baten eta hango neska baten bizitzek zelan egiten duten topo kontatzen du. Urteak igaro dira liburua lehenengoz argitaratu zenetik eta nahitaez nabaritu egiten da. Pertsonaiek aspaldikoak dirudite, ezinbestez. Bestaldetik, gure artean gutxitan gertatu den bezala, film baten oinarra ere izan zen, “Menos que cero” izenarekin agertua, Bret Easton Ellis-en nobela bezala. Eta jatorrizko testuari gaineratutako epilogoa dela-eta, esan behar dut nobelaren alderditik ikusita ez dudala ulertu zergatik egin den, azken paragrafoa janzteko bide bat izan ez bada, behintzat.