kritiken hemeroteka

8.496 kritika

« | »

Barbaro iraun / Louisa Yousfi (Itziar Diez de Ultzurrun) / Txalaparta, 2023

Arrazakeriak ez ditu suntsitu Amaia Alvarez Uria / Argia, 2024-03-24

2022an Louisa Yousfik argitaratu zuen Rester barbare lana, eta Itziar Diez de Ultzurrunek eta Txalapartak euskaraz plazaratu zuten 2023an, Ainhoa Nadia Douhaibiren hitzostearekin. Aspaldi ez nuela hainbeste azpimarratzen liburu bat.

Euskaldunen barbarizazio prozesuari buruz aritu zitzaigun Ibai Atutxa duela gutxi, baina oraingoan arraza dago tartean, “mairu-musulmanaren asmakuntza”-ri buruz dihardu egileak lan honetan.

Bitxia da zein hurbil eta zein urrun dagoen Euskal Herri Hegoaldetik Frantziar errepublika. Hemen, oro har, hango errealitatea oso gutxi ezagutzen dugula esango nuke, eta liburu honetan bertako barbaro batzuen berri ematen da. Zehazki, zibilizatuek eraikitako pertsona ez-zurien imajinario arrazista dekolonizatzen lagundu diezaguke lan honek. Egileak dioenez: “Artxibozain eta idazlari garelarik, gure jardunaren ahalegin guztiak gure jendea zikindu duen estigma garbitzera bideratuko dira, gutarrak estereotipotik haratago irudikatzera”.

Yousfi integrazioaren arriskuez ariko zaigu (“unibertsaltasun deserrotua”) eta erresistentziarako deia egingo du hasieran. Jarraian, Mendebaldeko gaizkileen eta Inperioaren munstroen irudikapenak aztertuko ditu, eta Pariseko aldirietan zuria ez izatea zer den adieraziko du, nagusiki, rap talde pare baten jarduna eta ahotsa ekarrita. Azkenik, emakumeen parte hartzeaz gogoeta egingo du eta Douhaibik auzi hau Euskal Herrira hurbilduko du gibel solasean.

Palestinako genozidioa etorriko zaio gogora, agian, irakurleari. Batez ere hurrengoa irakurrita: “Gaur egun objektu mairu-musulmanaren asmakuntza da gerra iraunkorra eta azpiratze inperiala funtsatzen dituen eragile nagusia energia-baliabideetan oparoak diren eta gure bizitzak aurrerapen teknologikoz zein neurriz kanpoko kontsumoz hornitzen dituzten lurraldeetan”.

Azpiratuen arteko konplizitatearekin batera, zuritasuna landu behar dugu euskaldunok (zapalduak eta pribilegiodunak garen heinean) eta liburu honek bide hori urratzen lagundu ahal digu: horretarako eutsi beharko diogu konplizitate-paralelismoak —soilik— egiteko tentazioari eta gure botere-kokapenetik irakurri liburu honetako hitzak. Deseroso, kontziente eta gogoetatsu.

Azken kritikak

Zuzi iraxegia
Amaia Alvarez Uria

Ainhoa Aldazabal Gallastegui

O.ten gaztaroa neurtitzetan
Arnaud Oihenart

Gorka Bereziartua Mitxelena

Ez-izan
Jon K. Sanchez

Aiora Sampedro

Pleibak
Miren Amuriza

Jon Jimenez

Ehun zaldi trostan
Ainhoa Urien

Asier Urkiza

Oroi garen oro
Beatriz Chivite

Nagore Fernandez

Jakintzaren arbola
Pio Baroja

Aritz Galarraga

Antropozenoaren nostalgia
Patxi Iturregi

Hasier Rekondo

Francesco Pasqualeren bosgarren arima
Unai Elorriaga

Mikel Asurmendi

Baden Verboten
Iker Aranberri

Paloma Rodriguez-Miñambres

Ezer ez dago utzi nuen lekuan
Itziar Otegi

Mikel Asurmendi

Dolu-egunerokoa
Roland Barthes

Asier Urkiza

Guardasol gorria
Lutxo Egia

Nagore Fernandez

Zero
Aitor Zuberogoitia

Jon Jimenez

Artxiboa

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

2024(e)ko ekaina

Hedabideak