kritiken hemeroteka

8.496 kritika

« | »

Hitz lau / Koldo Izagirre, Anjel Lertxundi, Xabier Lete, Ramon Saizarbitoria / Euskal Editoreen Elkartea, 2003

Ikuspuntuak Igor Estankona / Deia, 2003-09-23

Ez dira inondik ere lauak liburu honetan irakurleak aurkituko dituen hitzak, ezpada lau hitz edo lau hizkera desberdin. Funtsean artikulugintzan aritzeko lau modu dira orain eskuragarri ditugunak generoari efimerotasuna lapurtu dion argitalpen honekin. Koldo Izagirre, Anjel Lertxundi, Xabier Lete eta Ramon Saizarbitoriak 1993ko azarotik hasi eta 1994ko uztaila bitartean igandero Euskaldunon Egunkarian idatzitako artikuluak biltzen ditu “Hitz lau” honek. Martxelo Otamendik hitzaurrean dioen legez, hastapeneko garai haietako ahalegin ausartenetarikoak izan ziren laukote honen lanak. Hala dela ohartzen da edozein, artikuluen luzera, sakontasuna eta aniztasuna kontutan hartzen baditu.

Aipatutako komunikabidearen itxieraren aurrean loak hartu ez eta langileen aldeko argitalpena tajutu dute Editore Elkarteak eta idazleek eurek. Keinuaren garrantzi praktikotik harago literarioki ere urregorriaren pisua daukan lana da hau, denborak oso ondo tratatu dituen hogeita hamalau artikuluek gogoetarako gonbite ederra izaten jarraitzen dute eta. Hori ez zaio zor denboraren muga bera gainditzeko gaitasun berezi bati, denboren eta gaien errepikapen hutsa den historiari baino. Izan ere, sakonki aztertzen dena beti da baliogarri. Hala behar denean irakurleak egingo dizkio egokitzapenak, gaurko egunera ekarriko ditu anakronismo arinak. Artikulu denak bilduta edukitzeak, gainera, idazleen arteko ika-mikak hobeto jarraitzea ahalbideratzen du, bakoitzaren jarrera definituago bat erakutsiz. Interesgarria da jarreretan ezezik idazle bakoitzaren estiloan arreta jartzea, hitz potoloekin gauza finak eta hitz finekin gauza potoloak esaterako orduan laurak diren arren maisu, bakoitzak bere tonua baitarabil. Putzurik putzu dabilen irakurleak zail izango du irakurketa uztea, ondoren zer datorren jakiteko nahia pizten baitu gaien eta ikuspuntuen aberastasunak. Erritmo biziko irakurketa, inondik ere.

Koldo Izagirre zapataren azpiko txiklea bezain gozoa da, Anjel Lertxundi zaldirik gabeko zalduna, Xabier Lete sagardotegiak nahiago dituen filosofoa eta Ramon Saizarbitoria japoniako zetaz bildutako makila. Laurek dute hala ere puntatik puntara eta konkretutik abstraktura salto egiteko gaitasun berezko hori. Bakoitza bere lekuan dagoelarik zelan mugitzen diren ikusi ahal izatea nahikoa arrazoi sendoa da liburua erosteko, beste arrazoiak arrazoi.

Azken kritikak

Zuzi iraxegia
Amaia Alvarez Uria

Ainhoa Aldazabal Gallastegui

O.ten gaztaroa neurtitzetan
Arnaud Oihenart

Gorka Bereziartua Mitxelena

Ez-izan
Jon K. Sanchez

Aiora Sampedro

Pleibak
Miren Amuriza

Jon Jimenez

Ehun zaldi trostan
Ainhoa Urien

Asier Urkiza

Oroi garen oro
Beatriz Chivite

Nagore Fernandez

Jakintzaren arbola
Pio Baroja

Aritz Galarraga

Antropozenoaren nostalgia
Patxi Iturregi

Hasier Rekondo

Francesco Pasqualeren bosgarren arima
Unai Elorriaga

Mikel Asurmendi

Baden Verboten
Iker Aranberri

Paloma Rodriguez-Miñambres

Ezer ez dago utzi nuen lekuan
Itziar Otegi

Mikel Asurmendi

Dolu-egunerokoa
Roland Barthes

Asier Urkiza

Guardasol gorria
Lutxo Egia

Nagore Fernandez

Zero
Aitor Zuberogoitia

Jon Jimenez

Artxiboa

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

2024(e)ko ekaina

Hedabideak