susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Aspaldiko hitza | Itoko dira berriak »

Vizcaytik Bizkaira?" / Jurgi Kintana / Euskaltzaindia-BBK, 2002

Azkeren hasierak Javier Rojo / El Correo, 2003-04-30

Jurgi Kintana Goirienak R.M. Azkueren ibilbidea aztertu nahi izan du, Vizcaytik Bizkaira? deitzen den saiakera edota ikerketa liburu honetan. Eta ikerketaren nondik norakoaz inolako dudarik gera ez dadin, honelaxe zehaztuta agertzen da gaia liburu honen azpitituluan: “R.M. Azkue Euskaltzaindia sortu aitzin (1888-1919)”. Azkueren ibilbidean giltzarritzat har daitezkeen bi urte horiek ikerketa historiko honen mugak ezartzen ditu. Lehenengoak (1888), Azkuek Bizkaiko Aldundiak ordaindutako euskal katedra irabazi zuenekoa azaltzen digu. Postu horretarako besteak beste Unamunorekin lehiatu ondoren, Azkuek katedra lortu eta handik hasiko da bere kultur jarduera euskararen alde. Bigarren data, Eusko Ikaskuntzaren itzalpean eta Diputazioen babespean Euskaltzaindia sortu zen momentuari dagokio. Euskal akademia bat sortzea izan baitzen Azkueren ustetan egin beharreko lan nagusienetakoa. Idazleak iturritzat batez ere Azkuek eta garaiko euskaltzaleek idatzitako eskutitzak erabili ditu. Eta bertan kontatzen diren gauza bitxien artean, XX. mende hasierako burgesi berriarekin izan zituen harremanak aipagarriak dira. Euskaltzalea ez ezik Bilboko garai eta giro berezi hura ere ezagutzeko, liburua interesgarria izan daiteke.