« Gizonak hitz egin du | Aise »
Goldsmithen ikaslea / Joxean Agirre / Elkar, 2017
Obsesioak Aiora Sampedro / Berria, 2018-01-28
Pedro Salinas poetari irakurria nion idazleak beti gai beraren inguruan idazten duela lan berri bakoitza. Ez dakit idazle guztien kasua ote den, baina tankera horretako idazlerik balego, Agirre euren artean legoke. Joxean Agirrek berriki argitaratutako Goldsmithen ikaslea lanak baditu aurreko nobelekiko antzekotasunak, eta horiek dira idazlerik interesgarrienak: artefakto literario berriak saiatzen dituztenak eta, aldi berean, elementu bereizgarriak lortzen dituztenak.
Liburuaren haria protagonistaren bakarrizketak bideratzen du. Liburu osoan bere izenez ezagutuko ez badugu ere, idazle saiakera egiten ari den gizona dela dakigu: Internet bidez Goldsmith bere idazle miretsiak eskaintzen duen idazketa sortzaileko ikastaro bat egiten ari da, liburu bat idazteko asmoz. Irakaslearen gomendioari jarraiki, liburu hori idazteko gaztetako gertakari bat hartuko du aitzakiatzat, eta gertakaritik eratorritako joan-etorriak eta gaur egungo bizitzan eta emaztearekin duen harremanean sortutako arrastoak kontatuko ditu.
Horrela, irakurlea adin ertaineko gizon heterosexual misogino baten obsesioak deskubrituz joango da. Pertsonaiak arazoen aurrean duen ageriko jarrera tremendista eta infantilistak, noiz hantustekoak, noiz egozentrikoak, antzematen zaion patetikotasunetik parodia huts izateraino eramango du.
Nobela berez uler badaiteke ere, James Joyceren Ulises-ekin elkarrizketa etengabea ezartzen du Agirrek. Elkarrizketa hori pastixeraino iristen da, eta tankera metaliterarioa hartzen dute zenbait pasartek. Horri lotuta, badirudi egileak ez duela ondo neurtu literatura ikastaro horren aitzakian zenbait gogoeta literario txertatzen; dena sartu nahi eta ezinaren artean, iruditu zait ez dela erabat ondo eraiki trama.
Intentzio anbiziotsua du Agirrek nobela honekin, baina ez du horregatik ludikotasuna alde batera utzi. Emaitza obra jostalaria da, eta irakurleari ahalegina eskatzen dion irakurketa batere erraza: eskertzekoa, kontsumo bizkorreko produktuen garaian, bigarren irakurraldi bat eskatzen duten nobelak izatea.
Zuzi iraxegia
Amaia Alvarez Uria
Ainhoa Aldazabal Gallastegui
O.ten gaztaroa neurtitzetan
Arnaud Oihenart
Gorka Bereziartua Mitxelena
Ez-izan
Jon K. Sanchez
Aiora Sampedro
Pleibak
Miren Amuriza
Jon Jimenez
Ehun zaldi trostan
Ainhoa Urien
Asier Urkiza
Oroi garen oro
Beatriz Chivite
Nagore Fernandez
Jakintzaren arbola
Pio Baroja
Aritz Galarraga
Antropozenoaren nostalgia
Patxi Iturregi
Hasier Rekondo
Francesco Pasqualeren bosgarren arima
Unai Elorriaga
Mikel Asurmendi
Baden Verboten
Iker Aranberri
Paloma Rodriguez-Miñambres
Ezer ez dago utzi nuen lekuan
Itziar Otegi
Mikel Asurmendi
Dolu-egunerokoa
Roland Barthes
Asier Urkiza
Guardasol gorria
Lutxo Egia
Nagore Fernandez
Zero
Aitor Zuberogoitia
Jon Jimenez