kritiken hemeroteka

8.093 kritika

Azken kritikak

« | »

Hiri hondakin solidoak / Jon Alonso / Txalaparta, 2015

“Lanbas” itzuli da Estibalitz Ezkerra / Gara, 2015-11-07

Bagenekien genero nahasketarako trebetasun paregabea duela Jon Alonsok, eta bere azken lana, “Hiri hondakin solidoak”, horren adibide bat gehiago da. Nobela beltzaren eta saiakeraren artean eroso mugitzen da bere lan berria. Genero horien zalea da idazlea, “Katebegi galdua”-n (Susa, 1995), neurri batean bederen, “Camembert helburu”-n (Susa, 1998) zein pertsonaia nagusiaren aldetik “Hiri hondakin solidoak”-en aurrekari den “Zintzoen saldoan”-en (Txalaparta, 2012) formula berari jarraitu baitzion. Eta aurreko lan horietan bezala, euskal etiketari lotutako mundua da gertakarien ardatz edo, hobeto esanda, gertakaria bera eta, ondorioz, kritikaren jomuga. Alonsoren lanek hori baitute: kritika barra-barra. Kasu honetan, egilearen beraren hitzetan, “euskal kultur sistemaren eta, bereziki, euskararen gehiegizko arautze eta formalismoa”-ren kontrako “alegatua” azaltzen zaigu surrealistak bezain paregabeak diren pasartez beteriko nobelan. Gogokoenak: Azkue, Krutwig, Mitxelena…, hots, hizkuntzalaritzako izen handien figuranteena Bilboko Plaza Barrian. Halako egoera baten aukerak paradisua iradokiko die ziur aski euskal establishmentekoei. Alonsori, aldiz, amesgaizto ikaragarriak. Baina amesgaizto horiek badute alderdi on bat: Enekoitz Ramirez Lanbas bezalako pertsonaiaren aukera posible egin dute.

Esan bezala, “Zintzoen saldoa”-n agertu zen estreinakoz Lanbas bere lotsagabetasuna (bere kasuan, inolako lotsarik gabe jardutea ezaugarri ona da) lau haizetara zabaltzen, goi mailako sukaldaritzarekin lotutako kasu baten harira. Saiatu naiz ingelesezko “unapologetic”-en euskarazko sinonimoa aurkitzen, horixe iruditzen baitzait Lanbas-en jarrera ondoen deskribatzen duen hitza, baina ezin. Halakoa baita detektibe lanetan sartutako “ohi” amaieradun jardueren (aktibista-ohia, preso-ohia…) bildumatzaile den Lanbas: inoiz barkamenik eman gabe aritzen dena, barkamenik eman beharrik sentitzen ez duelako. Jarrera horri esker pentsatzen duena filtrorik gabe esaten du. Mingarriak egingo zaizkio bat baino gehiagori gure euskal mundu preziatuaz esaten dituenak, baina egia borobilak izan badira. Ahoan bilorik gabe hitz egite horrek zaleak irabazarazi dio. Zer esan dezaket? Bere lotsagabetasuna kutsagarria bada, eta norberaren pentsamendu ilunak kontuan hartuta halako lasaitasun sentsazioa ematen du. Pentsamendu ilun horiek komunak eta partekatuak izan ez ezik, norbaitek askozaz perbertsoagoak diren ideiak dituela jakitetik sortzen den lasaitasun sentsazioa, alegia. Lanbas-en ahotan, baina, ez dute perbertso itxurarik. Are gehiago, erabat normalak dirudite eta barrez lehertzekoak.

Oraingoan, Bilbon Euskaltzaindian jasotako mehatxuen jatorria ikertzen hasi eta Bartzelonara joko du, edukiontzi batean agertutako euskaltzain osoaren hilketaren atzean nor dagoen argitzeko. Zeinek esango zuen euskalgintzaren ingurukoek suspensezko nobela baterako eman zezaketenik? Bada eman ematen dute, ederki eman gainera. Lanbas-en mundu-ikuskeraren berri ez duten neofitoei akaso gogorra egingo zaie liburuari heltzea nobela beltz arrunta bailitzan. Irakurketa tempus jakin bat eskatzen du lanak, metagogoeta handia baitago bertan eta erreferentziak ere, literarioak zein bestelakoak, ugariak dira.

Marshall Bermanek Manifestu komunistatik hartutako esaldia aipatzen duen pasartearekin amaitzen da “Hiri hondakin solidoak” (liburuaren izenburuari lotuta ere badagoena): “solidoa den oro desegiten da”.

Iraunkorra izatearen itxura duenak (Marxentzat kapitalismoa) desagertzera kondenatuta dago. Hala gertatuko da hainbat erakunderekin, noizbait. Bitartean, Lanbas-ek ez du airean desagertzeko itxurarik.

Azken kritikak

Estuarioa
Patxi Iturregi

Asier Urkiza

Ganorexia
Iñaki Segurola

Jose Luis Padron

Bar Gloria
Nerea Ibarzabal Salegi

Ainhoa Aldazabal Gallastegui

Puta zikinak
Juno Mac / Molly Smith

Irati Majuelo

Hezurrezko kaiolak
Hasier Larretxea

Jon Martin-Etxebeste

Heriotzari aurrez aurre begira
Oskar Gaztelu

Mikel Asurmendi

Gari eta goroldiozko
Anari Alberdi Santesteban

Ibai Atutxa Ordeñana

Winesburg, Ohio
Sherwood Anderson

Nagore Fernandez

Suite frantsesa (bertsio argitaragabea)
Irene Nemirovski

Asier Urkiza

Haragizko mamuak
Karmele Mitxelena

Jon Martin-Etxebeste

Sorgin-argien ehizan
Joan Mari Irigoien

Mikel Asurmendi

Balio erantzia
Ekaitz Goikoetxea

Mikel Asurmendi

Berriz zentauro
Katixa Agirre

Amaia Alvarez Uria

Poesia kaiera
Federico Garcia Lorca

Nagore Fernandez

Artxiboa

2023(e)ko otsaila

2023(e)ko urtarrila

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

Hedabideak