kritiken hemeroteka

8.288 kritika

« | »

Denbora bere lekura / Gerardo Markuleta / Erein, 2015

Denboraren igarotzea Javier Rojo / El Correo, 2015-06-06

Euskal literatura irakurtzeko ohitura duen irakurle helduak, adin batera ailegatuz gero, arazoak izaten ditu bere kezkak eta interesak isla ditzaketen idazlanak topatzeko. Izan ere, euskal literaturaren merkatuaren berezitasunak kontuan hartuta, askotan ematen du gaztetasunaren diktadurapean mugitzen garela: agertzen diren liburuak, helduentzako produktutzat eskaintzen badira ere, nerabezarotik oso urrun ez dauden irakurleen neurrian eginda daudela esan daiteke, halakoxe kezkak agertzen dira behin eta berriro. Gauzak honela, interes berezia du Gerardo Markuletaren eskutik datorkigun poema liburu honek.

Idazlan hau lau zatitan banatuta dago, zati bakoitza ardatz tematiko baten inguruan osatzen delarik. Lehenengoan, idazleak begirada haurtzarora bueltatzen du eta, oroitzapenak berreskuratuz eta haiekin oroimena berreraikiz, dagoeneko desagertu den mundu baten berri ematen digu. Ia narrazioen itxura daukaten poema horiek pixka bat nostalgikoa den begirada bat erakusten digute, baina ironiak (idazlea kontzientea baita oroitzea berrasmatzea dela) distantzia jartzen du sentimenduen eta subjektuaren artean. Bigarren atalean gure identitateaz ari da, zer garen eta batez ere zer izan garen ahazten uzten ez diguten poema batzuen bidez. Hirugarren atala luzeena da, eta poesiaren jardueraz ari da bertan. Bukatzeko, azken ataleko poemetan amodioaren gaia erabiltzen du idazleak. Formaren aldetik, poema mota desberdinak aurkitzen dira. Esan bezala, poema batzuk narraziotik oso hurbil daude, baina badago beste molderik. Noizean behin herri poesia, poesia tradizionala, gogora ekartzen duten poemak ere irakur daitezke idazlan honetan.

Poema liburu txikia da, eta ni naizen irakurle honi luzeago izatea gustatuko zitzaidan, idazleak jakin baitu nerabezaroa atzean utzi duen belaunaldi baten kezkak agertzen.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak