susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Guda, haurraren prismatik | Krisia eta eldarnioa »

Gure Jerusalem galdua / Aingeru Epaltza / Elkar, 2013

Gure Jerusalem galdua Joxe Aranzabal / Faroa bloga, 2014-08-06

Zein gustura irakurri dudan Gure Jerusalem galdua eleberria, Aingeru Epaltza idazlearen azkena, eta Erresuma eta Fedea trilogiaren hondarrekoa. Durangon erosi nuen, baina uda etorri arte ez dut hartu esku artean. Behin hasita, berriz, zuzenean egin dut liburua amaitu arte.

Abentura liburu ederra iruditu zait, bikain idatzita, eta erremate paregabea trilogiarentzat. Horregatik, denetan hirugarren hau gozatu dut gehien. Eta izugarri gustatu zait Epaltzak Axular handiaz egin duen interpretazioa, oso sinesgarria, bidenabar esanda. Eta Axular aipatuta, nork nahi du gaur egun Axular irakurri, trilogia hau edukita? Nik ez daukat zalantzarik, bietan —Axular eta Epaltza— zein den dibertigarriagoa. Euskara aldetik, gainera, azken honek inbidiarik bat ere ez Urdazubiko semeari.