« Garai garratzak | Ez damutzeko liburua bat »
Abuztuaren 15eko bazkalondoa / Joxe Austin Arrieta / Elkar, 1985
Abuztuaren 15eko bazkalondoa Adriano de Mata / hirinet.net, 2013-11-15
Aspaldiko harribitxia dugu nobela hau. Berez, 1965eko abuztuaren 15eko bazkalondo sargoritsuan gertatutakoa kontatzen du: arratsalde hasberri honetan (10. or.) hasi eta zazpiak eta laurdenetara arte, Donostian, familia abertzale eta euskaltzalearen baitan, noiz eta Francoren garaian.
Familia sukaldean bildurik, arrebak harrikoa egiten, dantza eta kantaren ordua, patioko hotsak… Bazkalondoaren deskribapen hutsak ez ezik, baina, mota guztietako oroitzapenek osatzen dute nobela eta, hala, protagonista ume denetik hamasei urte egin arteko denbora hartzen du: aitonarekin batera emandako orduak, ume-garaiko jokoak, ahizparen ezkontza, seminarioa… Bide batez esan dezagun protagonista apaizgaia dela. Bere buruari etengabe hika ari zaio-eta, haren izenik ez dugu ezagutzen.
Oroitzapenei dagokienez, bosgarren atalera arte protagonistaren beraren oroitzapenez gain aitarenak ere ageri dira, gerra-garaikoak batez ere, eta tarte handiagoa du mahai inguruan bildurik den familiak. Hurrengo bost ataletan, ostera, protagonistaren oroipenak soilik ageri dira, batez ere erlijioarekin lotutakoak. Nobela, berez, horixe baita: bazkalondoa bera eta oroitzapenak tartekaturik.
Lehen, bigarren eta hirugarren pertsonak tartekatzen ditu Arrietak eleberri osoan zehar, trebetasun handiz tartekatu ere. Aipagarria ere bada garai baten adierazgarri dela nobela, besteak beste ortografiagatik: hestu, hilargia, haundia, batetan, farre-algarak, painelua, bederatzi t’erdiak, pasilo, pakea, orroea… Dena den, hori ez da arazo izango laurogeigarren hamarkadako maisulanaz gozatzeko.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez