kritiken hemeroteka

7.539 kritika

Azken kritikak

« | »

Artikoa / Izaskun Gracia Quintana / Amargord, 2012

Izaskun Graciaren ‘Artikoa’ Jose Luis Padron / Bilbao, 2012-12

Izaskun Gracia Quintana Bilbon jaioa da, 1977an. Berlinen bizi da, eta bertan egiten du lan diseinatzaile grafiko eta itzultzaile gisa. Masmedula Ediciones argitaletxearen sortzailekide eta editorea da.

Bere poemak hainbat aldizkari eta antologiatan eman dira argitara. Lehenbiziko poesia lana, Fuegos fatuos, 2003an kaleratu zuen. Eleak eta beleak izeneko bere lanak, berriz, 2007ko Ernestina Champourcin poesia saria jaso zuen. Eta Saco de humos poema-bildumak Aranda Hiria saria merezi izan zuen, 2010ean.

Izaskun Graciaren artikuluak, nazioarteko poeten azken lanak aztertzen eta gomendatzen, kultura mailan azken orduko berriak eskaintzen dituen Koult.es aldizkari digitalean irakur ditzakegu.

Izaskun Graciaren azken lana, ordea, Artikoa/Ártica izeneko poema-bilduma da, eta Madrilgo Amargord argitaletxeak kaleratu du euskarazko eta gaztelaniazko edizio elebiduna. Artikoa liburuko hitzaurrea idazteko enkargua Pello Otxoteko poeta irundarrak jaso du.

Testu horretan, Otxotekok ondo azaltzen du Izaskun Gracia bere barne munduaren berreraikipenean. Kafkak zioen modura, literaturak aizkorakada bat izan behar du, norbanako bakoitzaren kontzientzia eta izatea urratuko dituen kolpe ebakitzailea. Eta Otxotekoren ustez halaxe azaltzen zaigu Izaskun Graciaren poesia, hausturaren sakonetik hasi, edertasunaren xamurrera iritsi eta bidean zehar pixkanaka irakurlearen oreka astintzea lortuko duen aldarri.

Galeraz kantatzen du Izaskun Graciak bere poemetan, urruntasunak eta ahanzturak sortzen duten nostalgiaz. Poetak agurra adierazten du, eta, aldi berean, bere hitzak atsekabeari ongi etorria ematen dio. Baina ez da dena etsipena Izaskun Graciaren poesian, eta betiere irtenbide berriak bilatzen jarraitzeko prest agertuko da, maitasunez eta eskuzabal.

Artikoa liburuko hitzaurrean, Pizarnik-en honako hitz hauek ekartzen dizkigu Otxotekok gogora: “Funtsezko zauria, hau da, urradura sendatzea da poema bat idaztea. Denok zaurituta gaudelako”. Sendagai gisa dator Izaskun Graciaren poesia. Bere hitza inguruan elkartzen gaituen suaren antzekoa da.

Alejandra Pizarnik, Luis Cernuda, Reynaldo Jimenez, Uljana Wolf edota Jon Gerediaga, besteak beste, poeta horien oihartzuna sumatzen da hurbileko arreta merezi duen Izaskun Gracia Quintanaren azken lan honetan: Artikoa/Ártica (Amargord, 2012).

Azken kritikak

Poesia kaiera
Forugh Farrokhzad

Irati Majuelo

Hormako paper horia
Charlotte Perkins-Gilman

Amaia Alvarez Uria

Gaitzaren loreak
Charles Baudelaire

Javier Rojo

Poesia kaiera
June Jordan

Igor Estankona

Nobela errealista bat
Joxean Agirre

Joannes Jauregi

Moio - Gordetzea ezinezkoa zen
Kattalin Miner

Aiora Sampedro

Den-dena nahi dugu
Nanni Balestrini

Ibon Egaña

Erbesteko elurra
Felipe Juaristi

Javier Rojo

Lurra eta dardara
Askoren artean

Irati Majuelo

Miren eta erromantizismoa
Ramon Saizarbitoria

Imanol Mercero

Ai ama!
Arantxa Iturbe

Aritz Galarraga

Mesfidatu hitzez
Jon Arretxe

Javier Rojo

Francoren bilobari gutuna
Askoren artean

Aiora Sampedro

Kutsaldian
Paolo Giordano

Joannes Jauregi

Artxiboa

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Hedabideak