kritiken hemeroteka

7.851 kritika

Azken kritikak

« | »

Bitan esan beharra / Rikardo Arregi Diaz de Heredia / Alberdania, 2012

Sosegu heldua Javier Rojo / El Diario Vasco, 2013-02-01

Rikardo Arregi Diaz de Herediak gutxitan, nahi genukeen baino gutxiagotan, egiten digu liburu baten oparia, honelakotzat hartu behar baitira bere liburuak, eta horrexegatik halakorik gertatzen denean aukera aprobetxatu eta poema horiek dastatu behar dira. Bitan esan beharra deitzen da bere azken poema liburua, eta itxaronaldia luzea izan bada ere, emaitzak, nire ustez, konpentsatzen du zain egon behar izan dugun denbora.

Poema liburu hau hiru zatitan dago banatuta. Lehenengo zatian bizitzaz ari da. Bertan agertzen diren poemetan ematen du poetak gelditu eta hausnartu nahi izan duela. Eta hausnarketa hori egiterakoan iruditu zait oreka dela nabarmentzen den sentimendua. Izan ere, poetak begirada pausatu du bere inguruan eta lasaitasun moduko bat zabaltzen da begirada horretatik. Ingurua, dagoeneko, ez da erasokorra, hainbat poetarengan ikus dezakegun bezala, eta heldutasunaren momentua ailegatu dela esan daiteke.

Liburuaren bigarren atalean, amodiozko poemak agertzen dira. Dena dela, esan behar da amodioa erromantizismoz gabetuta agertzen zaigula bertan. Desira da amodioak hartzen duen forma eta desira horretan gorputzen garrantzia azpimarratzen da, gorputzaren bidez baizik ezin baita maitasuna gauzatu.

Azken atalean agertzen diren poemetan heriotzaren gaia nabarmentzen da. Tragediarik eta arrangurarik gabe azaltzen zaigu heriotza, hildakoek biziengan uzten duten oroitzapenean sakonduz, oroitzapen hau gizakiaren neurriko betikotasun modu bakarra baita. Malenkonia puntu bat ere badago, jakina, baina neurtua.

Arregiren poesia zuzena da, ironikoa askotan, baina hala ere baretasun eta sosegu sentimenduak zabaltzen daki irakurtzen duenarengan. Bestearen ikuspuntua guztiz garrantzitsua zaio eta gauzak bestearen begiekin ere ikusi behar direla erakusten digu. Bi hitzetan esanda: liburu miresgarria.

Azken kritikak

Sekula ez liokete euli bati hegalik kenduko
Slavenka Drakulic

Irati Majuelo

Sortaldekoak
Hedoi Etxarte

Asier Urkiza

Dama
Jon Gerediaga

Nagore Fernandez

Bihotz-begietan
Xabier Lizardi

Igor Estankona

Argiantza
Pello Lizarralde

Jon Martin-Etxebeste

Taxiak ez dira inoiz gelditzen
Xabier Montoia

Txema Arinas

Eskuan beti zerbait
Maialen Berasategi Catalan

Irati Majuelo

Empar Pineda Erdozia: gorputzak hala eskatua
Kattalin Miner

Ainhoa Aldazabal Gallastegui

Zeruko belardiak
John Steinbeck

Hasier Rekondo

Arkanbele kantak
Mikel Taberna

Mikel Asurmendi

Urpean murgildu
Lidia Txukovskaia

Nagore Fernandez

Bertute txikiak
Natalia Ginzburg

Asier Urkiza

Algara mutilatuak
Ane Labaka Mayoz

Maitane Legarreta Etxezarreta

Haragi hosto
Juan Ramon Makuso

Jose Luis Padron

Artxiboa

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Azaroa 2020

Hedabideak