kritiken hemeroteka

7.316 kritika

Azken kritikak

« | »

Ameslariaren ixiltasuna / Isabel Salinas / Islada, 1990

Isabel Salinasek poesia liburua kaleratu X.X. / Egin, 1990-11-27

Isabel Salinasek kaleratu berria du Ameslariaren ixiltasuna daraman poema liburua. Isabelek, Gerardo Paulyk eta Kepa Zafrak landutako Isladak izeneko obra goraipagarriaren kasuan gertatu zen bezala, oraingoan ere artista hirukote honek sortutako “Islada” argitaletxearen bidez kaleratu da Isabelen azken lan hau. Eta, aurreko kasuan bezala, Ameslariaren ixiltasun azaletik hasi eta azken zehaztasuneraino zaindutako eta ferekatutako lana dugu, Isabelek sortutako poemen edukia soportearen goi mailako kalitatea merezi bait zuen.

Isabel Salinas Arrigorriagan jaio eta azken urteak Donostian eman dituen emakume gaztea da eta, euskaldun berria izanik euskal hitzaren apostua egin du buru belarri, euskera bait da, Isabelek azpimarratzen duen bezala, Euskal Herriari dagokion hitza.

Isabel Salinasentzat, beretzat oso bereak eta oso barneratuak dituen sentimentuak eta inpresioak isladatzeko biderik egokiena da euskara. “Beste edozein hizkuntzatan ezingo nuke geure giroan gertatzen diren eguneroko esperientziak eta eguneroko tentsioak eta burrukak isladatu”, esan digu Isabelek, zentzu honetan euskara beretzat militantzia dela adieraziz.

Ameslariaren ixiltasuna gaueko edo basoko giro bare eta lasaian irakurtzeko liburua da, poemen hitzen marmario isila entzun ahal izateko. Poemak Isabelek sentitutako barne zirrara pertsonaletan oinarriturik badaude ere, ez da inolaz ere narzisismoan erortzen, Salinasen poemen helburua guztiz bestelakoa bait da, berak sentitutakoak besteengan biztea, hain zuzen. Poemetan, geure paisaietako eta basoetako bideak norberaren barnerantzako bide bilakatzen zaizkigu. Itsasoaren soinuak, hauek ere, ezagupen —eta elkar ezagupen— pertsonalerako gailu bihurtzen zaizkigu. Naturan bizitako esperientzia pertsonalek kanporantzako hesiak hausten dituzte Salinasen poemetan.

Ez dira Salinasenak inspirazio momentu iheskorretan eginiko bertsoak, landutako poemak baizik. “Itsasoa edo basoa kontenplatu eta momentu hartan zerbait kanporatzeko beharra sentitzen badut ere, momentu zehatz hori sarritan oso lan neketsu eta poema luze baten oinarri bilakatzen da, nahiz eta, agian, definitiboki azaltzerakoan poema luze hura poesia laburraren forma hartu”

Isladak obran Isabel Salinasen poemek argazkilari aparta den Gerardo Paulyren eta Kepa Zafraren ilustrazioen laguntza izan bazuten, Ameslariaren ixiltasuna obran Keparen lanak ditugu poemen kide bakarrak. Ñabardura aberatsetan eta egokiro inprimatutako Zafraren ilustrazioek poema bakoitzaren mamia azpimarratzen digute, poemek zein ilustrazioek oreka egokiena lortzen dutelarik.

Isabel Salinasek adierazi digunez, lantzen ari den trilogia baten lanak utzi dizkion atseden uneetan idatzi du aipatutako poema liburuxka, non trilogian azalduko den zenbait bide aurreratzen diren. Seguru gara sentsibilitatea duten euskaldun guztiek preziatuko dutela “ameslari isila” den Isabel Salinasen poema liburu hau.

Azken kritikak

Mundutik mundua
Edu Zelaieta

Javier Rojo

Hezurren erretura
Miren Agur Meabe

Amaia Alvarez Uria

Iraganaren izterrak
Gorka Salces Alcalde

Igor Estankona

Jamaikako neska
Joxemari Iturralde

Estibalitz Ezkerra

Iraganaren izterrak
Gorka Salces Alcalde

Javier Rojo

Munduko tokirik ederrena
Iñigo Aranbarri

Txema Arinas

Basa
Miren Amuriza

Usoa Alberdi Fernandez

Sofia Petrovna
Lidia Txukovskaia

Ibai Atutxa Ordeñana

Izuaren osteko gogoeta
Susan Buck-Morss

Peru Iparragirre

Berriro itzuliko balitz
Xabier Etxeberria

Javier Rojo

Irautera
Castillo Suarez

Igor Estankona

Jekyll doktorearen eta Hyde jaunaren kasu bitxia
Robert Louis Stevenson

Joannes Jauregi

Enarak itzuli dira
Gari Berasaluze

Aiora Sampedro

Itsas bizimina
Pello Otxoteko

Alex Uriarte

Artxiboa

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Iraila 2018

Abuztua 2018

Hedabideak