susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Terriblea iruditzen zait | Besteren hitzetatik »

Hiru koadreno txiki / Fermin Erbiti / Pamiela, 2011

Barne kezkak Juan Ramon Makuso / El Diario Vasco, 2011-05-27

Norberak daki zer daukan bere barne lapikoan. Zer dagoen irakiten. Fermin Erbitik, Hiru koaderno txiki lanarekin Juan Zelaia Saria bere 2010ko edizioaren irabazleetako bat dugu. Liburuak bi atal ditu: “Lapurturiko Esaldien Haritik”, da lehenengoa; bigarrena, “(In)Komunikazioa”. Atal bakoitzean, beraz, irakurleari oso garbi adierazten zaio zer aurkituko duen. Gidoiari jarraituz, aipatutako lehen atalean, gogoetak agertzen dira, bakoitza izenburu batekin. Fermin Erbiti saiatzen da aurkezten bere bizitzan, egin dituen irakurketa anitzaren ondoren, irakurketa hauen hausnarra. Esan beharra dago, irakurketa oso heterogeneo dela, eta hau egilearen alde, irakurleari eskaintzen diola, nolabaiteko emaitza bat, alegia, ironia finez, idazleak hausnartutakoaren ondorioa idazten du. Azterketa bat dago, eta emaitza ere testu bakoitzean agertzen da. Eta egileak erakusten du zintzotasuna, ez baitu inolako demagogiarik erakusten bere lanean; irakurleak hor dauka bere protagonismoa: berak ere irakurritakoarekin, hausnartu, idatziak horretara bultzatzen baitu: “Zalantza handia, argi handia” esan dugun izenburuetako bat da, eta hau dio Erbitik: “Dakienak, dakienez, badaki gutxi dakiela. Ezjakina, aldiz, oso argia delakoan dago”. Eta bigarren atalari dagokionez, (In)Komunikazioan, liburuan, egilearen aitzinsolasean hau agertzen da. “Uholdeetan ur edangarri falta izaten da arazo nagusietakoa. Informazio-uholdeak ere ez al du antzeko zerbait ekarri?”. Galdera honek oso ongi adierazten du bertan, Fermin Erbitiren nondik norakoak. Kazetari batetik etorritako galdera da, badaki beraz zertaz ari den egiten zaigun proposamen honetan, eta benetan, idazlearen proposamena interesgarria da.