kritiken hemeroteka

7.851 kritika

Azken kritikak

« | »

Azukre xehea gatz larria / Mikel Hernandez Abaitua / Alberdania, 2010

Norberaren iragana Juan Ramon Makuso / El Diario Vasco, 2011-01-07

Guztiok daukagu gure historia, gure iragana; beste kontu bat da norberaren iragana azaldu nahi izatea, denen esku uztea. Hau da Mikel Hernandez Abaitua idazle gasteiztarrak egin duena bere “Azukre xehea gatz larria” liburuarekin. Kuriosoa suertatu zaigu idazleak, berak, ze zalantzak izan dituen liburua bera kokatzerako orduan, liburuaren barne aldeko orrialdean, azpititulu bezala Oroitzapen autobiografiko-sentimentalak jarri baitio, eta behar bada honekin konforme ez, eta hasierako ohar labur bat du liburuak, hau guztia argitu nahian. Berak dio oharrean, ez dela ohiko autobiografia bat, baina irakurleak ikusiko du, gure ustean behintzat, autobiografia bat dela, memoria liburu bat. Euskal literaturan ez gaude ohituak modu honetako liburuak ikustera —adibidez, idazle gutxi gurean ausartzen da bere argazki bat jartzea liburuaren azalean—, beharbada autobiografiak edo memoria liburuak ez direlako idazten Hernandez Abaituak duen adinarekin, baina bera ausartu da. Azpimarratzekoa da, idazleak horrela aukeratuta, distantzia gutxi jarri duela idazterakoan; agian bere niaren agerpena ez du gehiegi neurtu, nahiz eta ni hau, politika, literatura eta musika kontuak azaltzeko erabili. Mikel Hernandez Abaituak liburuan azaltzen digu bere ibilbide literarioa; kronika bat egiten du hainbat aldizkari literarioen —Oh! Euzkadi, Susa— agerpenarekin. Musikarekiko gustuak aipatzen dira liburuan. Egoera politikoari dagokionez, ETAren atentatuen berri emanez gain, egileak ze ikuspegia zuen gaiaren inguruan argitzen du, eta honek ze arazo sortu zizkion. Garaiko kronikaren berri izateko liburu egokia da, eta hau guztia azaltzeko, ez dago hitz txarrik. Eta gurean, hau, bertutea da.

Azken kritikak

Sekula ez liokete euli bati hegalik kenduko
Slavenka Drakulic

Irati Majuelo

Sortaldekoak
Hedoi Etxarte

Asier Urkiza

Dama
Jon Gerediaga

Nagore Fernandez

Bihotz-begietan
Xabier Lizardi

Igor Estankona

Argiantza
Pello Lizarralde

Jon Martin-Etxebeste

Taxiak ez dira inoiz gelditzen
Xabier Montoia

Txema Arinas

Eskuan beti zerbait
Maialen Berasategi Catalan

Irati Majuelo

Empar Pineda Erdozia: gorputzak hala eskatua
Kattalin Miner

Ainhoa Aldazabal Gallastegui

Zeruko belardiak
John Steinbeck

Hasier Rekondo

Arkanbele kantak
Mikel Taberna

Mikel Asurmendi

Urpean murgildu
Lidia Txukovskaia

Nagore Fernandez

Bertute txikiak
Natalia Ginzburg

Asier Urkiza

Algara mutilatuak
Ane Labaka Mayoz

Maitane Legarreta Etxezarreta

Haragi hosto
Juan Ramon Makuso

Jose Luis Padron

Artxiboa

Urria 2021

Iraila 2021

Abuztua 2021

Uztaila 2021

Ekaina 2021

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Azaroa 2020

Hedabideak