susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Egia eta fikzioa | Absurdua »

Hirira doan bidea / Natalia Ginzburg (Pello Lizarralde) / Igela, 2001

Hirira doan bidea Mielanjel Elustondo / The Balde, 2002-03

Harribitxiak eman ditu ltaliako literaturak pasa den mendean. Harribitxi horietako bat dugu Hirira doan bidea nobela. Natalia Ginzburg-ek eman zuen argitara II Mundu Gerra oraindik ere bukatzeke zegoela. Nataliak berak esana du artista txikiak artista handien moduan idatzi ezin duen arren, gauza dela haiek bezala sentitzeko. Hitz umilegiak Ginzburgen ahotan. Baina umiltasuna beharrezkoa da bidean aurrera egiteko, ikasten jarraitzeko, maisulanak idazteko. Hizkera garbi eta gordinaz II Mundu Gerra aurreko emakumeen kezka eta ezinak kontatzen ditu. Gezurra, emakumeenak ez ezik, gizon-emakumeenak. Halaxe idatzi zuen Palermoko idazleak hizkera soil hari buruz: “Esaldi bakoitza zartada edo belarrondokoa izatea nahi nuen”. Eta lortu zuen, zinez. Pello Lizarraldek zartada ata belarrondoko berak eman dizkigu liburua euskerara ekarrita.