« Zoriontsu gara? | Testigantza umil bezain sakona »
Reckless, harrizko haragia / Cornelia Funke (Aiora Jaka) / Elkar, 2010
Ipuinetako mundua Javier Rojo / El Correo, 2010-10-16
Cornelia Funke idazle alemaniarra nahiko ezaguna da gazte literaturaren arloan egin duen lanagatik. Euskaraz ere agertu ohi zaizkigu bere liburuen itzulpenak. Orain argitaratu den nobelak Reckless – Harrizko haragia du izenburua. Liburu honetan, ipuin miresgarrietan agertzen den mundu fantastikoan oinarrituta, hamahiru urtetik gorako irakurle gazteentzako nobela bat egin nahi izan du, errealismoa eta fantasia uztartuz. Istorioaren protagonista Jacob Reckless da, nobelaren hasieran gaztetxo bat. Egun batean bere aita desagertu egin da eta mutilak beti itxita egoten den aitaren gelan ispilu magiko bat aurkituko du, beste mundu batera ate moduko baten parekoa. Beste mundu horretan. Bizirik aurkituko ditu ipuin miresgarrietan ohikoak diren izakiak. Mundu horrek, beste aldetik, XIX. mende bukaerako Europako Erdialdearen antz handia du. Urteak pasatu ondoren, ikusiko dugu protagonista nola mugitzen den mundu horretan bere anaia Will salbatzeko asmoz. Maitagarriak, harrizko azala duten izakiak, ipotxak eta elfoak agertuko zaizkigu, baina, baita ere, industrializazioaren hasieran murgildutako hiriak, trenbideak eta are Lehenengo Mundu Gerrakoak bezalako hegazkinak. Mundu fantastikoa da, baina bere fantasian koherentzia gorde dezan saiatu da idazlea. Mundu hori gerran dago, eta nahiko egoera bortitzak azaltzen dira, planteamendu idilikoak baztertuta geratzen direlarik.
Egia da batzuetan horrelako osagai fantastikoen pilaketak gehiegizkoa dirudiela, idazleak eskueran zituen osagai guztiak sartuko nahi balitu bezala. Baina dudarik gabe istorio miresgarrietan agertzen diren munduak erabiltzeko eta gaurkotzeko saio interesgarria da, gazteei egokitua, eta gure munduan agertzen diren arazoak baztertu gabe: izan ere pertsonaien sentimenduak, irrikak, gorrotoak eta amodioak ez dira batere fantastikoak, pertsonaia fantastikoen maskaren atzean gu bezalako izaki kontraesankorrak aurkitzen baitira askotan.
Alaska
Castillo Suarez
Irati Majuelo
Poesia bizitzeko eta sentitzeko modua da
Karmele Igartua
Ainhoa Aldazabal Gallastegui
Pantailen garaipena
Iñigo Martinez Peña
Jon Martin-Etxebeste
Axularren gerizapean
Kepa Altonaga
Asier Urkiza
Emakume bat
Annie Ernaux
Nagore Fernandez
Atsoa
Victor Catala
Joxe Aldasoro
Arrain hezur bat eztarrian
Olatz Mitxelena
Jon Martin-Etxebeste
Lur gainean, itzal azpian
Leire Milikua Larramendi
Irati Majuelo
Gu gabe ere
Itziar Ugarte Irizar
Mikel Asurmendi
Alaska
Castillo Suarez
Jon Martin-Etxebeste
Alaska
Castillo Suarez
Maddi Galdos Areta
Puskak
Irene Pujadas
Asier Urkiza
Norberak maite duena
Miren Billelabeitia
Nagore Fernandez
Beirazko kanpaia
Sylvia Plath
Hasier Rekondo