kritiken hemeroteka

8.352 kritika

« | »

1.002. gaua / Xabier Mendiguren Elizegi / Pamiela, 2010

Abentura nobela Javier Rojo / El Correo, 2010-07-31

Xabier Mendiguren Elizegi argitaratzailea da ofizioz, eta idazlea afizioz. Argitaratzaile moduan euskal mundua liburuz betetzen duelarik, ematen du gauza bera egiteko prest dagoela idazlea den aldetik. Kasu honetan 1.002. gaua izeneko nobela eman du argitara. Abentura nobelaren esparruan kokatu daiteke liburua eta bai izaeraz bai agertu zen bildumaz irakurle gazteei zuzendutako liburu baten aurrean gaudela esan daiteke. Izenburuak, edonola ere, irakurlea okerreko espektatibetara eraman dezake, testuak ez baitu zeharka baizik zerikusirik ipuin arabiarren bilduma ospetsuarekin.

Nobela honetan kontatzen dira Chiara izeneko neskaren abenturak. XVI. mendean gaude, Chiara Veneziako Dogoaren alaba da, eta Dalmaziako printzearen semearekin (Simeon) ezkontzen da, bi gazteen aitek antolatutako ezkontza batean. Neska berehala konturatuko da mutila ez dela berak pentsatzen zuen modukoa, eta Dalmazian dagoelarik lehenengo aukera baliatzen du Veneziara bueltatzeko bisita egitera. Bidaiak amaiera bortitza izango du, bidean Bizargorri piratak harrapatu eta Aljerrera eramango baitu. Nobelak bi zati ditu. Lehenengoan kontatzen da nola bizi zen neska Venezia eta Dalmazian eta bigarrenak Aljerreko gertakariak ditu ardatz. Neska Aljerren bahituta dagoelako detaile honek ez bestek justifikatzen du liburuaren izenburua. Esan behar da testua dotore idatzita dagoela, liburuaren kontrazalean autopropaganda egiteko adierazten denez. Baina estiloa dotorea baino gehiago da, nire ustez kontaera erretorikoegia suertatzen baita. Bestaldetik, liburuak inpresio bitxia utzi dit: iruditu zait idazleak oso ondo zekiela istorioa nola hasi behar zen eta gertakarien planteamendua argi zeukala, baina jarraipena eta bukaera ordea ez zituela oso argi, liburua amaitzeko presaka ibiliko balitz bezala. Gauzak honela, ‘piloto’ baten itxura du, hau da sail baten lehenengo atala. Abentura klasikoak berpiztu nahi izan ditu Mendigurenek, baina, jakina, bera ez da Salgari.

Azken kritikak

Francesco Pasqualeren bosgarren arima
Unai Elorriaga

Joxe Aldasoro

Lanbroa
Pello Lizarralde

Mikel Asurmendi

Sorginak, emaginak eta erizainak
Barbara Ehrenreich / Deirdre English

Ainhoa Aldazabal Gallastegui

Ez naiz ondo akordatzen
Karlos Linazasoro

Mikel Asurmendi

Gerezi-denbora
Montserrat Roig

Amaia Alvarez Uria

Presbiziak lagundu omen digu
Edu Zelaieta

Mikel Asurmendi

Itsaso amniotikoa
Oihane Jaka

Aitor Francos

Itzulpena-Traducción
Angel Erro

Jon Jimenez

Itzulpena-Traducción
Angel Erro

Asier Urkiza

Maitasuna eta dirua, sexua eta heriotza
Mckenzie Wark

Nagore Fernandez

Fiesta: Eguzkia jaikitzen da
Ernest Hemingway

Aritz Galarraga

Biharraren hegietan
Maddi Sarasua Laskarai

Maddi Galdos Areta

Gaueko azken expressoa
Eneko Aizpurua

Aiora Sampedro

Aingeruak eta neskameak
June Fernandez

Ibon Egaña

Artxiboa

2024(e)ko uztaila

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

Hedabideak