kritiken hemeroteka

7.095 kritika

Azken kritikak

« | »

Azken bala / Hasier Larretxea / Point de lunettes, 2008

Balak hitzak balira Felipe Juaristi / El Diario Vasco, 2008-12-05

Gerra aurreko garai loretsu hartan bezala, bi hizkuntzetan azaldu zaigu poesia liburu haú, Sevillako argitaletxe baten eskutik, gainera. Izenburuák, poesiaren munduan bederen, argigarri behar luke. Azken bala, Hasier Larretxearen arabera, poesiazkoa da, hitzez egindako arma bizigarri eta ez hilgarria. “Hitzak baduelako bala batek haina indar”. Poemak indartsuak dira, horregatik, gure Euskal Herri gogortu eta mindutako honi hurbiltzeko asmoz idatziak. Poemek errealitatearen zamaz arindu beharrean, hitz gozo eta leunez, are zama gehiago botatzen dute gure adimenera, uler dezagun, ez indarkeriaren mekanismoa, ezta indarkeria mekanismorik gabe eta artifiziorik gabe ere zertan den, baizik eta indarkeriak utzitako paisaia (morala, batez ere) nolakoa den eta noraino iristen den. “Denok daramagu/gurutzeren bat gainean”. Hemengo poemak dira, harrizko herri honetan sortutakoak. Harrizko hitzak dira, Arestik maite zituen haiek bezala, egia esateko ez bada, egiaren antza izan dezakeena aldarrikatzeko, norberaren baitatik eta norberaren baitara. “Denok daramagu ezkutatu beharreko zerbait”. Poema politikoak dira. Politikaren eginkizuna norberaren kontzientzia jotzea baita; eta gero, norbera bere egiaz jabeturik, besteekin batera jokatzea. Baina herri honetan gehiegitan nahasten dira politika eta ideologia. Ideologia duenak ez du ideiarik behar, ezta hitzik ere nahi, soberakoak zaizkio denak, eta falta zaionaz ez da sekula jabetuko, berak ideologia utzi edo ideologiak bera utzi ezean. “Ez ezazu pistola hori gehiago erabili”. Hitzak ez dira azkenak izango; iraungo dute, balak agortutakoan ere.

Azken kritikak

Hitzen ahairea
Gotzon Barandiaran

Mikel Asurmendi

Bihotzean daramagun mundua
Maite Darceles

Amaia Alvarez Uria

Aramotz
Iñaki Irasizabal

Aiora Sampedro

Maitalea
Marguerite Duras

Joannes Jauregi

Poesia kaiera
Al Berto

Javier Rojo

Poesia kaiera
Alejandra Pizarnik

Peru Iparragirre

Pausoa noiz luzatu
Andoni Egaña

Amaia Serrano Mariezkurrena

Beltzak, juduak eta beste euskaldun batzuk
Joxe Azurmendi

Javier Rojo

Emakume burugabea
Antxiñe Mendizabal Aranburu

Jose Luis Padron

Azalberritze bat
Esti Martinez Diaz de Cerio

Igor Estankona

Sekula kontatu behar ez nizkizun gauzak
Iban Zaldua

Aiora Sampedro

Zu entzuteko gaude
Xabier Mendiguren Elizegi

Joannes Jauregi

Maitalea
Marguerite Duras

Hasier Rekondo

Ia hemen
Juanjo Olasagarre

Javier Rojo

Artxiboa

Urria 2018

Iraila 2018

Abuztua 2018

Uztaila 2018

Ekaina 2018

Maiatza 2018

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Hedabideak