susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gaua begietara | Beharrezko izatearen beharra »

Gu, nafarrok / Xabier Zabaltza / Alberdania, 2007

Nafarren ikuspuntua Javier Rojo / El Correo, 2007-12-22

Xabier Zabaltzak inolako estalkirik gabe (politikoki oso zuzena ez izateko beldurrik gabe) plazaratzen du saiakera honetan zein den Nafarroaren egoera “euskal auzia” deitu zaion honetan. Ikuspuntu argia du: Zabaltza euskalduna eta nafarra da, agian abertzalea, baina pixka bat abertzalea izatea muturreko abertzalea izateko antidotoa izan daitekeelarik, bere abertzaletasun horrek ez du itsutzen; aitzitik, beste abertzaletasun batzuk ulertzeko ahalmena ematen dio. Bere plantamenduaren arabera, Nafarroan bi nazio identitate daude lehian: euskal nazio identitatea eta espainiar nazio identitatea. Eta biak ala biak diruditen baino antzekoagoak dira, desberdintasun nagusia identitate horien nazio-xedea baita. Baina bi nazio identitate horiek onatzen dute nafar izatea, biak ezinbestekoak baitira Nafarroa Nafarroa izan dadin. Esan daiteke Zabaltzak elkarbizitzarako proposamen bat egin nahi duela. Horregatik da esanguratsua hasierako eskaintza: “Nafarroa, Euskal Herria eta Espainia baino giza bizia maiteago duten guztiei”. Izan ere, Nafarroa nafarrek nahi dutena izango baita. esentzialismoetatik urrun, herritarren nahia izan behar baita irizpide nagusia arazo politikoak ebazteko.