« Giza-gatazkak, gerra-garaian | Gerra poemetan »

Zirrikituak / Aintzane Galardi / Euskaltzaindia-BBK, 2007

Zirrikituak Goizalde Landabaso / Radio Euskadi, 2007-10-07

Edozein barru ezagutzeko ez dago zirrikituetatik begiratzea baino hoberik. Aintzane Galardiren liburua eskuetan kafea hartzera joan nintzen Desberdina deitzen zen kafetegi batera. Ederto definitzen du horrek liburua. Poesia liburua baino gehiago delako. Aipuez jantzia, marrazki eta irudiz hornitua, liburu bat baino opari bat zabaltzen ari zarela dirudi. Poesia esperimentala esaten zioten aspaldi, eta denbora da horrelakorik aurkitzen ez nuenik. Izugarri gustatu zait. Baina onartu ere onartu behar dizut gauza ezberdinak maite ez dituztenek ez dutela poesia-bilduma hau ulertuko, ezta apreziatuko.

bihotz ortopedikoa bihotz hila da, horregatik ez dut bihotz-minik. / Hala ere, Poltsikoan daramat Badaezpada Bihotz ez-ortopedikoa.

Munch-en Oihua, greziar eta erromatar klasikoak, asiar irudi, istorio eta idazkerak, eta poesia bakoitzari bide egiteko aipu bat. Esaterako Joseph Pala ui Febre-rena. “Si te hablo del beso es ya besarte un poco”, Gabriel Arestiren “Itzala eman nahi duenak argia hartu behar du”, Shakespeareren “Edonork menpera dezake sufrimendua, sentitzen duenak salbu”. Aipuek osotzen dute egilearen poemak. Olerkien gaineko hausnarketa luze eta zabala da. Esaldi ederrak alokatu ditu; Gil de Biedmarena kasu: “Poeta izan nahi nuela uste nuen baina poema zen izan nahi nuena”. Hizkuntzak nahastu egiten dira, jolasak, marrazkiak, geometria… babel erabatekoa dirudi lanak.

Poema asko ez dira poema niretzat Goizetan Pasilluaren bi puntetan gaudenean Gurutzatu artean Gure begiek Non pausatu ez dakitenean Segundu horiek Hitz gabeko poemak dira.

Itzel gozatu dut liburu honekin, patuak neure eskuetara ekarritako lana izan da. Izan ere, ezer aurpegiratu badiezaioke aurkezpenarekin du lotura. Sail honek aurkezpen arruntegia du, eta askotan, benetako altxorrak eduki arren liburu dendetako apaletan galtzen dira. Galera handiegia izateraino.