susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Arteari buruzko erreflexio nobelatua | Trajedien kronika klabe minorrean »

Ispiluan barrena (eta Alicek han aurkitu zuena) / Lewis Carroll (Manu Lopez Gaseni) / Pamiela, 1990

Alice ispiluan barrena Josu Landa / Argia, 1990-04-08

Sorpresa atsegina oraingoan ere Pamielak eman diguna. Ez bait genuen uste duela hilabete pare bat Aliceren lehenengo liburuarekin hasitako saioa beste bigarren honekin hain dotore borobilduko zuenik. Egia esan, Erramun Landak aurrekoaren kontrazalean keinu egiten zigun bigarren zati hau iragarriz: bi liburuetako azalak batera erreproduzituta ageri bait ziren, elkarrekin kutxatxo bat osatzen duten collage biren modura. Ezin apartagoa. Idazlan bat euskaratzeko orduan, itzulpenaz gain argitalpen era ere traiziobidea izan daitekeela gogorarazi digute Pamielakoek, baita antidotoa proposatu ere.

Aliceren bigarren parte hau lehenengoa baino askoz ere intelektualagoa dela esan daiteke, eta egia esateko gure gustokoagoa. Beharbada, Manu Lopezek hitzaurrean dioen bezala, irakurle heldua bigarren honekin errazago identifikatzen delako. Carrollen logika-ariketak (edo kontrariketak) miresten dituenarentzat liburu hau preziosidade bat da, aldi berean aurrekoaren irudimen mugagabea gordetzen bait du. Ez da kasualitatea liburu hau xake-partida baten birsorketa bezala planteiatuta egotea. Horrezaz gain, aurreko liburuaz esandakoek honetaz ere indarrean segitzen dute eta ez du beraz gehiegi merezi luzatzeak. Ale bat lehenbailehen erosita, lasaiago ibiliko zara, agortzearen beldur gabe.