« Kadrila alegera festan da | Argi bila »
Telemake. Ulisen semearen gertakuntzak / Fenelon (Duvoisin) / Elkar, 1988
Telemake Dabid Zuazalde / Argia, 1989-02-12
Behin baino gehiagotan azpimarratu nahi izan da gure literaturako klasikoak plazaratu eta ezagutzearen beharra, eta behar horri erantzunez bultzatu zuen Jaurlaritzak Editore Elkartearekin batera ateratako klasiko bilduma, nahiz eta gero zertxobait desbideratu den (Koldo Mitxelena garaikidea bait dugu, inondik ere). Halaz guztiz, bilduma batek altxor guztia agortzen ez duenez, eta ezin gaitezkeenez beti subentzionaturiko proiektuen mende egon, onuragarri iruditzen zait argitaletxe normalek ere klasikoak kaleratzea, salmenta handiko liburuak izango ez diren arren.
Oraingo liburu hau bi aldiz dugu klasiko. Patri Urkizuk hitzaurrean adierazten digunez, Fenelon XVII. mendeko Frantziako idazle ospetsuenetariko bat izan zen, eta “Telemake” haren lanik ezagunena. Ulises pertsonaia mitikoaren semearen (Telemakeren) abenturak dira kontagai, eta honen bidez zenbait helburu bete nahi ditu liburuak, beste hainbat irakurketa eskainiz guri. Bestetik, printzearentzako lan didaktikoa zen, errege ofizioa ikas zezan; bestetik, esanahi politikoa ere badu, Versaillesko gehiegikerien salaketa izkutuaz; hirugarrenik, mendetan zehar abenturazko liburu atsegintzat ere balio izan du.
Azkenik, euskal irakurlearentzat beste balio bat ere izango du: izan ere, Duvoisin kapitaina bait da itzultzailea, euskal itzultzaile guztien artean emankor eta aberatsenetako bat. Honek bereziki interesgarri bihurtzen du liburua filologoentzat edo hizkuntzaren ezagutzan sakondu nahi dutenentzako.
Duvoisin Fenelonen lana itzultzen hasi baina amaitzeke utzi zuen; ez zen beraz, inon argitaratu. Patri Urkizuk eskuizkribua hartu eta edizio hau prestatu digu, sarrera, oharrak eta hiztegia erantsiz. Gustatu zait, halaber, J.F. Igartuaren azal diseinua.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos