susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Tipo eskematikoak | Errotutako gizona »

Hiriaren melankolia / Felipe Juaristi / Baroja, 1987

Hiriaren melankolia Mikel Mendizabal / Argia, 1987-09-27

Poema liburu berria eskeini digu Felipe Juaristik. Poesia pertsonala, pretensio handirik gabekoa, xarmarik falta ez zaiona ordea.

Liburua hiru zati desberdin ditu: “Genesis”, “Teletipoa eta beste poemak” eta “Krepuskularioa”. Zati bakoitzak bere ezaugarriak ditu, Genesisen gai abstrakto eta lirikoak izanik. Asko gustatu zaigu Teletipoa eta beste poemak; idazten ari den bitartean dituen pentsamenduak, gogoak… Poema batzuk gutunak ematen dute idatzirik dauden moduarengatik: amodioaren beharra, albisteak idazteko modua etabar. Azkenik, azkeneko poemak, Krepuskuloa, hemen gai desberdinekin jokatzen du Juaristik, poemen eraiketa bezalaxe.

Poesia pertsonala azaltzen zaigu liburu honetan. Autorea bere kasa doa errima eta neurriak egitean, teknika oso berezia erabiliz, nahiz eta poema guztiak berdinak ez izan.

Lirikoa dugu “Hiriaren melankolia”, kutsu nahiko tristea nabaria dugu, liburu atsegina ordea eta batez ere irakurketa erraza.

Bestalde, orrialde askok Donosti maitearen argazki zahar batzuk ekartzen ditu, poema mota honekin ados joanik.