« Alegien ederra | Mitoa haragi bihurtzen »

Konspiratzaileak / Xabier Gereño / GAK, 1986

Konspiratzaileak Mikel Mendizabal / Argia, 1986-10-12

Aurrezki Kutxako Probintzialeko, Irun Hiriaren eleberri irabazle geratu da X. Gereño oraingo honetan epailariak hauek izaki: L.A. Aranberri, J.A. Arrieta, J.A. Loidi, J. San Martin eta A. Zabala.

Espia eleberri guztietan bezala, aspertzerik ez dago Gereñoren azken liburuan. Bertan protagonista espia sartu den emakume aktore baten goraberak kontatzen dizkigu bigarren guda karlistan topatzen dugularik. Karlistak, bere erregea frantzian errefuxiatua dutela Espaini mailan kolpea prestatzen ari dira, liberalak laister, susmatzen dute eta edozein modura bortsatzen saiatuko dira eta honela goi mailako urdanga hartuko dute karlisten militarren artean sartzeko. Laister konturatuko dira emakume honek karlistentzat lan egiten duela hau karlisten estrategiaren oinarri izan daitekeela. Liburua Paris, Madrid eta ipar Euskal Herrian kokatzen da bertan amodioa, historia, abenturak, Euskal Herriko paisaien deskribapenak… nahasten direlarik.

Autoreak intriga eta misterio kutsua, hain garrantzizkoak nobela mota hauetan, lortu izan badu, esan hehar da ere fantasia eskutik ihes egin diola noizean behin. Hala eta guztiz lehen esan dugun bezala nobela atsegina eta bere 130 orrialdeak tirada batetan irakurtzekoak ditugu dudarik gabe.