« Sei ipuin amodiozko | Atabala eta euria »

Eskaileraren bi aldeetan / Amaia Iturbide / Erein, 1986

Eskaileraren bi aldeetan Iñaki Camino / Argia, 1986-06-15

Deskubrimendu pollita izan da guretzat Amaia Iturbideren poema-liburua. Bertan, euskal poesian azken honetan gero eta gehiago sumatzen ari den ezaugarri poetiko bat aurkitu baitugu: unibertso poetikoaren bilakuntza. Liburu guztia giro poetiko betean kokatu nahi da. Momentu poetikoaren helburua nabarmena beraz.

Amaiaren poemak ez dira segituan ulertzen diren horietakoak, maiztxo interpreta beharrekoak gertatzen dira gainera, eta sintagma eta esaldi bakoitza analizatu egin behar da ulertze prozesurako, ezin dira itsu itsuan irakurri. Ebokazioaz baliatzen den poesia bestetik, hitzak pizu espezifiko handia duena, poemak barrenen harrapatzen du irakurlea, eta une batez hura da mundua. Aisego irakurtzen direnak ere badira, baina gehienak emaro behar dute.

Partitzeko tenorean larrosa gordin bana ernetzen da maitaleen golkoan, eta itotakoen oihu-zuloa herdoil-tantek anestesiatzen dute ezpainen gurutzaketaren muinean.

Biziki interesekoak Amaia Iturbideren olerki ia gehienak motz hauek.