susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Terrorista | Egutegi esperimentala »

Itsasoak iraultzan / Jean Luis Davant / Maiatz, 1986

Itsasoak iraultzan Iñaki Camino / Argia, 1986-05-11

Jean Luis Davantek 1980.ean aurkeztu zuen liburu hau Bilboko Azkue sarira, aipamena jasoz. Maiatzekoek berek diotenez, bere idazte molde berriaren adierazgarri dugu liburu hau.

Jean Luisek berak diosku hitzaurrean bertsotik poesira iragana dela, olerki sailen batasunaren bila, teknika irabazi nahian, ezin baita pasa Jean Luis beretzat droga eta dopin den poesia gabe. Formaren aldetik ugari samarrak dira hartutako eskemak, sonetoak, libreak eta era askotakoak, errima zaintzen dutenak gehien bat, herri-tradizioan mamitutako formatik ezin ihes eginik. Mamiaren aldetik berriz, batasuna handia da, kasik liburu guztian maitasuna izaki gai bakarra. Emaztea du kantagai, emaztearen fabore dihardu denbora guztian. Emazteari zaion maitasuna, amodia edo Eros pornotik bereizten jakin beharra, emaztearen gorputzaren oparotasunen aitatzea, honek historian zehar jasan dituen injustizia guztien garbitu beharra e.a. ditugu gaiak. Emakumearen gorespenaren adibide gisa: emaztea emaztea; itsaso muga gabea; bake guztiz nahitua; bihotz sakon zabaldua; gure aurpegi bestea; gure hutsunen betea.

Bigarren partean errealistago ageri da Davant, alderdi materialistak edo lizunak bezalakoez horniturik.