kritiken hemeroteka

7.539 kritika

Azken kritikak

« | »

Bilbo, 1937 / George Lowter Steer (Maria Garikano) / Emak Bakia Baita, 1994

Lekukotasun zirraragarria Juan Luis Zabala / Euskaldunon Egunkaria, 1994-09-18

Gero eta gutxiago —eta gero eta zaharrago, noski—dira Espainiako gerra zibila ezagutu zuten euskaldunak. Gero eta ahaztuago dago Euskal Herrian hainbeste sufrimendu sortu zuen borroka latz hura. Gazte ginela gerra zahar haren oihartzun asko belarriratu genuen, kasu handirik egin gabe, egia esan, gure aitona-amonek bizi izandako borrokak eta gure aita-amek pasatutako goseak denbora urrun eta galdu bateko kontuak iruditzen baitzitzaizkigun. Gaur egun, aitzitik, gerra hura ahaztuegia ez ote dagoen iruditzen zaigu batzuetan, eta azala oilo ipurdi bihurtzen zaigu, esate baterako, Martin Ugaldek orduko kontuak herritu eta egun bizi dugun egoera orduan gertatutakoen ondorio dela gogorazten digunean.

Gerra hura gogoratzeko beste aukera bat da Emak Bakia Baitak “Luxia” saileko laugarren ale honekin eman diguna. George Lowter Steer kazetari, gerra-korrespontsari eta idazle hegoafrikarrak 1938an argitaratutako “The Tree of Guernica” (Gernikako Arbola) liburuko hainbat pasarte itzuli ditu Maria Garikanok euskarazko argitalpen xume honetarako. “The Times” egunkari ingelesak bidalita, Bilboren defentsarako borrokaren lekuko zuzena izan zen Steer 1937an, eta orduan ikusitakoak agertzen dira bere lanean, latz eta gordin, berez izan bide ziren bezala.

Bilbon ikusitakoak ikusirik, ez zen Steer oso konforme Europako demokraziek izan zuten jokabidearekin, pasarte honek argi erakusten duenez: “Isolaketa berezia behar zuen, beraz, demokrazien logelak, eta; produktu patentedun guztiek bezala, oso izen luzea zuen. Interbentzio-Ezari buruzko Batzordea deitu zioten, eta ados ez jartzearren bildutako pertsonez osatua zegoen. Euklidesen lerro paraleloekiko kontraste garbian, hamaika aldiz elkartuta ere, ez zuten behin ere bat egiten”. Ez al dizkizue azken urteotan Bosnian izandako kazetari eta idazleen arrenkurak gogora ekartzen pasarteak?

Lekukotasun interesgarri eta zirraragarria da “Bilbo, 1937″ honek eskuratzen diguna. Jarraipen ederra ematen dio “Luxia” sailak lehen hiru aleekin zabaldu zuen bide zabalari.

Azken kritikak

Poesia kaiera
Forugh Farrokhzad

Irati Majuelo

Hormako paper horia
Charlotte Perkins-Gilman

Amaia Alvarez Uria

Gaitzaren loreak
Charles Baudelaire

Javier Rojo

Poesia kaiera
June Jordan

Igor Estankona

Nobela errealista bat
Joxean Agirre

Joannes Jauregi

Moio - Gordetzea ezinezkoa zen
Kattalin Miner

Aiora Sampedro

Den-dena nahi dugu
Nanni Balestrini

Ibon Egaña

Erbesteko elurra
Felipe Juaristi

Javier Rojo

Lurra eta dardara
Askoren artean

Irati Majuelo

Miren eta erromantizismoa
Ramon Saizarbitoria

Imanol Mercero

Ai ama!
Arantxa Iturbe

Aritz Galarraga

Mesfidatu hitzez
Jon Arretxe

Javier Rojo

Francoren bilobari gutuna
Askoren artean

Aiora Sampedro

Kutsaldian
Paolo Giordano

Joannes Jauregi

Artxiboa

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Hedabideak