kritiken hemeroteka

7.634 kritika

Azken kritikak

« | »

Karramarroaren aztarnak / Hasier Etxeberria / Elkar, 1997

Geografia desberdinak Felipe Juaristi / El Diario Vasco, 1997-11-15

Estilo, egitura eta gai desberdineko bost ipuin bildu ditu Hasier Etxeberriak “Karramarroaren aztarnak” izeneko liburuan, baina guztiek dute, hala ere, zerbait identifigarri, zerbait lotzen dituena elkarrekin: urrutiko tokietan kokatzen dituelako, agian bidaiaren beharra edo ilusioa ekar dezakete gogora. Horretaz gain, ipuin guztien atzean idazle bat eta bera dugu, idazkera gozo eta sendoduna.

Horazioren bidaiak, seguruaski liburu osoan dagoen ipuinik politena, anekdoten gainean eraikitako testua da, baina nabaria da idazleak duen kontatzeko gogoa. Horazio Quirogaren izena aipatzen da behin eta berriro, haren Oihaneko Ipuinak eskuan dituela abiatzen baita Horazio, bere aita hil eta gero, Moskuraino eramango duen bidaia egitera. Ez dakit Horazio Quirogari egiten zaion omenaldi gisa hartu behar ote den ipuina, baina garbi dago Horazio ipuingilearen aipamenak bere zeregina duela Horazio petsonaiaren nondik-norakoak zehazterakoan. Bidaia, honetan, ihesa da, pertsonaiak bere aitaren borondatea burutzeko duen irtenbidea, Horazioren eta aitaren arteko elkarrizketa, heriotzaren hautsak astintzen diren arte.

Yucatan, liburuko bigarren ipuina, izen bereko lurraldean kokaturik dago. Deskripzio ondo konplituez Yucatan lurraldea ezagutarazten digu Hasier Etxebarriak, baina errealitate horretatik ezerrealitate batera eramaten gaitu. Ipuinak, asko du fantastikotik. Halabeharraren jokoa du, gainera, oinarrian. Izen bereko bi pertsonaiak elkar aurkitzen dute oihanaren erdian, biek edari bera dute maite… Hortik aurrera irakurlea sumatzen hasten da zein izan daitekeen bukaera.

Anna Paula eta Museora bisitaldia, Brasilen kokatuak dira biak. Museora bisitaldiak txiste baten antza hartzen du bukaera aldean, baina Anna Paula polita eta freskoa da. Jostagarri gisa idatzita dagoela dirudi. Mundu majiko eta irudikorra, Jorge Amadoren gustukoa, dakarkigu Hasier Etxeberriak.

Ipuin postmoderno bat egin diot neure buruari, da azken ipuina. Ipuin gutxi batzuen bertutea du honek, zebat eta irakurriago, orduan eta gustagarriago. Liburuko beste lauren aldean desberdinena da. Intertestualitatea, ironia ditu ezaugarri. Esanahi anizduna da.

Azken kritikak

Suak pizten direnean
Mikel Soto

Irati Majuelo

Xala
Cynthia Ozick

Ainhoa Aldazabal Gallastegui

Dendaostekoak
Uxue Alberdi

Ibon Egaña

Poesia, zaurien ukendu
Ainhoa Urien

Javier Rojo

Argiantza
Pello Lizarralde

Mikel Asurmendi

Dendaostekoak
Uxue Alberdi

Arantxa Iturbe

Haize-lekuak
Amaia Telleria

Nagore Fernandez

Sano erradikal
Isabel Diaz

Aiora Sampedro

Dendaostekoak
Uxue Alberdi

Javier Rojo

Larrutik ordaindua
Joseba Lozano

Mikel Asurmendi

Moskito
Igor Estankona

Mikel Urkixo Aierdi

Ene baitan bizi da
Maddi Ane Txoperena

Amaia Alvarez Uria

Dendaostekoak
Uxue Alberdi

Irati Majuelo

Aro beilegia
Lizar Begoña

Hasier Rekondo

Artxiboa

Urria 2020

Iraila 2020

Abuztua 2020

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Hedabideak