susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gogoeta etikoa | Garai bateko sagardotegiak »

Au poza senti det / Biktoriano Iraola / Sendoa, 1997

Bertsotan Javier Rojo / El Correo, 1997-09-25

Azken gerra karlista amaitu eta foruak galdu ondoren, Euskal Herrian kultur mugimendu interesgarria sortu zen euskaraz, joan den mendearen bukaeran. Kultur mugimendu honen euskarria aldizkariak izan ziren, bertan hainbat lan, kontakizunak, bertsoak eta poemak batez ere, argitaratu baitziren. Esan daiteke kultur mugimendu honen kariaz euskal literaturak bere esparru autonomoa aurkitu zuela orduan, alde guztietatik, ideologia, forma eta gaien aldetik, oso mugatua zen arren. Biktoriano Iraola (1841-1919) kultur mugimendu hori Donostian garatu zuten idazleen taldeko partaideetako bat dugu. Liburu honetan biltzen dira 1880.etik aurrera aldizkari desberdinetan (Euskal-Erria, La Voz de Guipúzcoa…) argitaratu zituen zenbait bertso eta poema. Gai asko erabiltzen ditu idazlan hauetan: Donostiaren goraipamena, gerraren kalteak, heriotza, barre eragiteko bertsoak. Teknikaren aldetik, bertsolaritzaren eta poesiaren erdibidean aurkitzen dira eta ikuspuntu postromantikoa edo erakusten dute. Egia esan, ez dirudi oso idazle puntakoa izan zenik, baina idazlan hauek garapen interesgarria erakusten dute, denboraren poderioz bere lanak askoz aberatsagoak egin baitziren bai errekurtsoen erabileran, bai gaien garapenean.