susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Hazia ereiten duen gezia | Ana Urkizaren “Gela ilunetatik” »

Euskal Kama-Sutra / Askoren artean / Gatuzain, 2000

Euskal Kama-Sutra Koldo Goitia edo Koldo Behetia / Ostiela!, 2001-04

Euskaldunon sexu-izaera motzari (eta izaren ordezko mantelari ere bai, ala ez daude kontrajarriak?) aurre egitekotan argitaratu dute “Gatuzain xexualek” (“euskaraz eman ezina omen zen”, gogoratzen?) beste Kama-Sutra haren hurrengo hau. Izan ere, liburuaren kontrazalean Goian Bego Shawk-ek dioen bezala, Kastitatea da, dudarik gabe, perbertsio sexualik ulertezinena. Itxaro Bordak, Antton Lukuk eta Mattin Irigoienek narrazio luze bana izkiriatu dute, hegoaldean bezala iparraldean, zeruan bezala lurrean idatzi litekeela, eta, adib., Literotura saileko liburuen inbidiarik gabekoak egin ditzazketela frogatuz. Horrez gain, liburuak azal gogorra du (baina ez da egia azal gogorra dutenik argitaratzaileek, 2.500 pezetetan saltzeagatik), izan ere, luxu eta luxuriazkoa baita: hemendik aurrera orriak bereizteko balio dezakeen larru-puska batek estaltzen du azaleko irudi koloretsu eta “zentsuratu” hori, eta Asisko eta Marko irudigile iaioek aparteko ilustrazio biziak irudikatu eta zertu baitituzte. Zerbait berria da. Euskal literatura erotikoari ez zitzaion orain arte hambeste kolorerik eman.