susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Poesia heldua | Kronikak irudikatuz »

Futbolsofia / Xabier Azkargorta / Alberdania, 1999

Futbola hizpide Javier Rojo / El Correo, 2000-09-20

Udako oporren ostean, urtero, ikasturtea bailitzan, futbol denboraldia hasten da. Iraila, beraz, garai egokiena dateke iaz argitaratu zen liburu hau hartu eta futbolean azalekoa eta begibistakoa baino harantzago dagoena ikusteko. Eta honetarako Xabier Azkargorta entrenatzaile ezaguna oso pertsona aproposa izan daiteke, beti ere futbolaren bestaldeko lurraldean aurkitzen dena ikusteko eta erakusteko gai izan baita. Gauzak honela, Futbolsofia-n futbolaz aritzen da, noski, baina kirolaz beraz baino, honen inguruan gertatzen diren hainbat kontuz arduratuago dago egilea, eta hauexek jakinarazi nahi dizkigu. Liburuaren ardatza Azkargorta Bolivia-ko taldearen selekzionatzailea izan zenean gertatutakoak dira, nola herri txiro honetako selekzioak sekulako balentria lortu zuen Brasilgoa menperatuz, kirolariak eta entrenatzailea heroi bihurtu zirelarik. Bolivian bizi izandakoak, hango herrixketan egindako bidaiek eta entrenatzaileak ikusi zituenek kirolari beste dimentsio bat ematen diote. Gure artean futbola, batez ere, espektakuloa eta negozioa da, baina Azkargortak zerbait gehiago ere egon daitekeela erakutsi nahi du. Eta alderdi hori interesgarria da oso, baita futbola gustokoa ez dutenentzat ere.