susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Misteriozkoak | Txikitik handira »

Diotenez / Karlos Linazasoro / Erein, 2007

Kontu txikiak Javier Rojo / El Correo, 2007-08-22

Karlos Linazasorok “Diotenez” izeneko liburua argitara eman du. Bi zati oso desberdinak ditu liburu honek. Lehenengoak “Ars poetica zazpi ipuinetan” du izena eta izenak sortzen dituen espektatiben kontra, ipuinak barik aforismoen bildumak dira zazpi ipuin direlako horiek. Bigarren zatian, “Holaxe kontuk (1:43 eskalan)” izenekoan, zati laburrez eginiko bilduma aurki dezake irakurleak. Hemen bai, zatiok alderdi narratibo nabarmena dute, eta mikrorrelatoekin pareka daitezke. Aforismoetan paradoxa nagusi bada ere, narrazio labur hauetan elipsia da aurki daitekeen baliabiderik funtsezkoena, kontatzen denak sortzen dituen espektatiben eta isiltzen denak ezkutatzen dituen egien arteko dialektikan eraikita baitaude narrazioak. Testu asko biltzen dira, eta jakina, ezin guztietan maila bera agertu, narrazio labur interesgarrien ondoan, txisteak baino ez direnak agertzen baitira.