susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Mitoaz haratago | Mareek eramandako bizitzak »

Ravel / Jean Echenoz (Gerardo Markuleta) / Meettok, 2007

Pertsonaren bila Javier Rojo / El Correo, 2007-08-01

Ia batera agertu dira Jean Echenoz-ek “Ravel” izenarekin idatzi duen nobelaren gaztelerazko eta euskarazko bertsioak. Idazleak musikariaren azken hamar urteak kontatzen ditu liburu honetan eta helburua, pertsonaia publiko eta ezaguna barik, musikari ezagun eta arrakastatsuaren atzean ezkutatzen den pertsonarengana iristea izan da. Ez dakit, bada, lortu duen, zeren iruditzen baitzait pertsona honek eskuen artetik ihes egiten duela, mamu bat balitz bezala. Besterik ezean, itxuraz garrantzi gabeak diruditen xehetasunetan zentratzen du begirada idazleak, janzkeran eta horrelako gauzetan, agian horietan pertsona aurki lezakeelako. Agian pertsonaiarengandik gelditu zaigun bakarra bere musika eta halako detaileak dira, eta horrexegatik bilatu du azaleko kontu horietan. Izan ere, kanpotik begiratuta benetan pertsona batengandik jakin ditzakegun gauza bakarrak halako detaileak dirateke.