susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Tunelak irteerarik ez | Ravel hurbila »

Begirada bat Kubari / Iñaki Petxarroman / Elkar, 2007

Kubari buruz Javier Rojo / El Correo, 2007-07-11

Iñaki Petxarromanek “Begirada bat Kubari” izeneko liburua argitara eman du. Kubatar batzuei egindako elkarrizketetan oinarrituta idazleak erreportaje liburu bat idatzi du ia 200 orrialdetan zehar. Itxuraz Kubari buruzko ikuspegi zabala eman nahi du, 30 pertsonaren iritziak jasotzen baitira liburuan, baina irakurlea berehala ohartuko da liburu honetan gailentzen dena izenburuan aipatzen den begirada dela. Izan ere, lekuko asko agertzen dira, eta gehienek ildo bereko iritziak ematen dituzte. Idazleak aldez aurretik zehaztua zuen begirada eta lekukoak bilatu ditu begirada hori baieztatzeko. Pixka bat pedantea izanda, esan daiteke liburu honetan ikusten dela giza eta gizarte zientzietan askotan erabiltzen den joko epistemologikoa: hipotesiaren itxurapean axioma bat eskaintzen da, eta horrela beti baieztatuko da itxurazko hipotesi hura. Agian Kuba ez da paradisu sozialista, baina akatsak akats, paradisutik hurbilen dagoen lurraldea da. Hauxe da idazlearen planteamendua, eta akatsak aipatzen direnean ere, hauek bidean sortutako oztopo txikiak baino ez direla erakutsi nahi du, bidea argi markaturik baitago. Euskaldun ezkertiar askoren artean ohikoa den ideia, bestalde.