susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Mikrohistoria | Une gozoak igaro ditut »

Negutegia / Ixiar Rozas / Pamiela, 2006

Negutegia Ibon Egaña / Berria, 2007-01-10

Ikuspegi europar eta europazale batetik idatzita, euskal nobelagintza eta narraziogintzan nagusi diren gai eta tonuetatik aparte egindako lana da Rozasena. Hiru pertsonaiaren bidaia eta bizitza hunkigarriak oinarri hartuta, XX. mendeko Europaren memorian barrena egiten du bidaia idazleak, galtzaileen testigantza gidari izanda. Bestalde, gaur-gaurko Europaren eta mendebalde kapitalistaren gaitzak eta minak ere arakatzen eta kritikatzen ditu Rozasek. Puskaz, bizi atalez, memoria txatalez egindako nobela da, eta itxurazko anabasa horri tonuak eta ikuspegiak ematen die batasuna eta koherentzia; poesiatik hurbil dagoen tonu lirikoa, erakustea baino iradokitzea nahiago duena.