susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Elena Odriozolaren elegantzia | Begirada batera »

Lauaxetaren bibiloteka / Jon Kortazar / KM Kulturunea, 2006

Poetaren liburuak Javier Rojo / El Correo, 2006-06-14

Borgesen narrazio batetik aterata dirudi Jon Kortazarren saiakera honen izenburuak: “Lauaxetaren biblioteka”. Eta batzuetan, hitzaurre moduko hitzetan, adibidez, halako narrazio baten aurrean gaudela esan daiteke. Santanderren 1937an datatutako dokumentu bati esker, non azaltzen baita zer zegoen Baionara eraman behar zituzten kutxa batzuen barruan, jakin dezakegu zer-nolako liburuak zeuden Esteban Urkiaga “Lauaxeta”ren bibliotekan. Liburuak agertu ez, baina dokumentu horretan agertzen da 650 libururen erreferentzia. Jakina, ezin dugu jakin hor aipatzen direnak baizik ez ote zeuden poetaren bibliotekan, ezta horiek nola erabili zituen ere. Edonola ere, erreferentzia puntu interesgarria da poetaren irakurketak, gustuak eta interesak zehazteko. Kortazarrek zerrendako liburuetan agertzen diren ildo nagusiak zehazten ditu bere saiakeran. Erreferentzia batzuk aldez aurretik ezagunak ziren, eta beste batzuk susmoen esparruan zeuden. Orain susmo horiek baieztatuta ikus ditzakegu. Izan ere, liburuok bere garaiko kulturan txertatutako poeta baten irudia eskaintzen dute. Bitxikeriak ere ez dira falta, “La vida amorosa de Mesalina” izeneko liburu baten presentzia, adibidez.