susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Anbiguoa eta ihesbidez betea | Ez hain aspaldi »

Egunen harian / Xabier Mendiguren Elizegi / Elea, 2005

Gure mundutxoa Javier Rojo / El Correo, 2006-03-22

Xabier Mendiguren Elizegi blogak idazteko tentazioan erori da, liburu honetan ikus daitekeen moduan. Izan ere “Egunen harian” 2004 eta 2005ean idatzitako egunerokoa dugu; hau da, urte batean egunero testu bat idazteko eta blog batean argitaratzeko erronkari aurre egin eta, bete ere, bete egin zuen. Liburu honetan blogean agertutako testu horiek biltzen dira. Gai desberdinak ditu hizpide Xabier Mendigurenek, eguneroko politika kontuak, eta kulturarekin zerikusia daukatenak, irakurgaiak aholkatzeko testuak, eta Donostiako zinemaldia zela-eta idatzitakoak. Noizean behin, narrazioren bat edota atal pertsonalago bat ere irakur dezakegu liburu honetan, blogetan publikoaren eta pribatuaren arteko muga oso erraz gainditzen dela erakutsiz. Atalik interesgarrienak literaturaz egiten dituen komentarioak iruditu zaizkit; bitxienak, “gure mundutxoaz” aritzen direnak, hain ondo ezagutzen duen euskal kulturaren inguruko parafernalia ere aipatzen baitu askotan. Hemen kontatzen dena irakurrita, nabarmentzen da nola euskal kultura benetan subsistema baten margenean dagoen gertakaria den, lau txorori baizik axola ez zaion kontua, idazlearen begi-bistako asmoaren kontra bada ere.