susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Loiola | Hitzaren bila »

Bizikleta bat egingo dut zure izenarekin / Martin Etxeberria / Elkar, 2005

Poema bilduma Javier Rojo / El Correo, 2005-08-10

Martin Etxeberriak poema liburu berri bat argitaratu du. “Bizikleta bat egingo dut zure izenarekin” du izenburua, eta izenburu horrek berak hango poesiaren nondik-norakoaren berri eman dezake, izenburu horretan iradokitzen diren osagaiak poesia eraikitzeko ere askotan erabiltzen baititu idazleak. Izan ere, ohikotasunetik hartutako osagaien artean nolabaiteko erlazio surrealista planteatzea da idazlearen prozedura ikusgarriena. Baina liburua, nire ustez, poema bilduma desorekatua da. Esan nahi dut: horrelako poemen ondoan, idazleak aitormen hutsak diruditen testuak aurkezten ditu. Poema hauek prosatik bereizten dituen ezaugarri bakarra poesiaren lerrokatzea da, horrek ematen baitie poema itxura. Beste batzuk, gutxi, narrazio xumeak dira. Badirudi bere ahotsa zein izango den bilatzen ari den idazle baten liburuaren aurrean gaudela. Idazlea saio desberdinak egin beharrean aurkitzen da, antza, bere bidea bilatzeko.