susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bizitzaren hutsala | Nola hustu nuen gurasoen etxea »

Jat / Goizalde Landabaso / Elea, 2005

Amodioaren idilbidea Javier Rojo / El Correo, 2005-07-27

Goizalde Landabasok olerki liburu bat argitara eman du, “Jat” izen misteriotsua duena. Liburu honetako poemak maitasunaren inguruan aritzen dira eta, nahi izanez gero, ibilbide osoa egiten duen maitasun zapuztuaren kronikatzat har liteke. Izan ere, liburua hiru zatitan banatuta agertzen zaigu, eta parte hauetako izenburuek (“Gu”, “Zu”, “Ni”) markatzen dute ibilbide hori. Lehenengo atalean maitasuna borborka agertzen da. Subjektuak nitasuna lausotuta dauka eta bestearekin bat eginda bizi du bere maitasuna, erarik erromantikoenean. Bigarren zatian, maitasunaren desagerpena azaltzen zaigu, baina subjektuarentzat maitasun hori oraindik ere oso presente dago. Hirugarrenean, maitasunaren desagerpen hori gaindituta, nortasunaren kontzientzia berriaz horniturik agertzen da subjektua. Errekurtso poetiko gehiegirik erabili gabe, liburu honetan, batez ere, sentimenduen adierazpen biluztua azaltzen da.