susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Denboraldi bat infernuan | Bilbo-Tokio »

Dardaren interpretazioa / Harkaitz Cano / CLA, 2004

Antologia poetikoa Javier Rojo / El Correo, 2005-04-06

Harkaitz Canoren poesia antologia elebiduna eskaintzen zaio irakurleari “Dardaren interpretazioa. La interpretación de los temblores” izenburua duen liburu honekin. Gaztelerazko itzulpenaren arduraduna idazlea bera da. Eta Ibon Egañak erdaraz egindako hitzaurrea ere agertzen zaigu liburuan. Argitarapen hau jatorrizko liburuak euskaraz ulertzeko arazoak izan ditzaketenei zuzenduta dago, baina euskal irakurleari ere mesedegarria izan dakioke, azken belaunaldiko idazlerik garrantzitsuenetako baten lan poetikoa perspektibarekin ikusteko aukera ematen baitio. Canok aurretik idatzitako bi libururen poemak agertzen dira: “Kea behelainopean bezala” (1994) eta “Norbait dabil sute-eskaileran” (2001). Eta bi mugarri baino ez badira ere, ibilbide bat ikus dezakegu. Beharbada, subjektu poetikoaren jarrera antzekoa da bietan, sinesmenak, edozein delarik ere, alde batera utzi eta gizartean galduta dagoen gizakia agertzen baitzaigu. Giroa hiritarra da, Egañak hitzaurrean azpimarratzen duen bezala, bigarren poema liburuan askoz era zehatzagoan agertzen zaigu. Itzulpena dela eta, esan behar da euskaraz erabiltzen ez dituen puntuazio markak erabiltzen direla gazteleraz, eta honek poema batzuen tonua pixka bat aldatzen du.