susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gure autokritika | Piratak »

Neurona eta zeurona / Fermin Etxegoien / Pamiela, 2004

Euskararen arazoaz Javier Rojo / El Correo, 2004-09-01

Fermin Etxegoienek saiakeraren generoa erabiltzen du “Neurona eta zeurona” izenburua duen liburu honetan. Izenburuak ezer gutxi argitzen duenez, azpititulu bat gaineratu dio: “Hizkuntza estetika bezala”. Kezka batek bultzatu du idazlea honelako liburu bat idaztera. Euskal gizartea nagusiki abertzalea izanik, zergatik ez da euskara Euskal Herriko hizkuntza nagusia izatera azken hogeita hamar urte hauetan? Ateratzen duen ondorioa hau da: euskaldun gehienok euskaran euskaldun bihurtzen gaituzten balore esentzialak daudela esan arren, hizkuntza estetika moduan ikusten dugula. Zenbait esparrutan euskara erabiltzea estetikaren ikuspuntutik begiratuta deserosoa dela. Horrexegatik, esparru horietara ez da euskara zabaltzen, halakoetan erdararen erakarpen indarra askoz handiagoa baita. Diglosiara hurbiltzeko bide erakargarria dirudi honek, idazleak erabiltzen duen argumentazioa batzuetan zatikatuegia bada ere.