kritiken hemeroteka

6.866 kritika

Azken kritikak

« | »

Lapur banden etika ala politika / Joseba Sarrionandia / Pamiela, 2015

Bauman eta Sarrionandia Goizalde Landabaso / Berria, 2016-01-12

Zygmunt Baumani egindako elkarrizketa bat irakurtzen ari nintzela Joseba Sarrionandia etorri zait akordura. Irakurri berri dut Lapur banden etika ala politika lana (Pamiela, 2015), eta egia esan, biharamun luzea eta astuna utzi dit irakurketak. Punk zahar bi dira Bauman eta Sarrionandia. Etorkizun lausoari itxaropen apurra ikusten dio bigarrenak; Baumanek, aldiz, ziurtasun oro suntsituak izan direla dio, eta no future uste du. Ziurrenen, ñabardurak izango dituzte pentsamenduok, jakina, dena ez delako zuri edo beltz. Eta batek daki Sarrionandiak Baumanen adinarekin pentsatuko duenaz (heltzen bada, betiere).

Tranbia geltokia joan zitzaidan Sarrionandiaren liburua irakurtzen ari nintzela, eta une batean, nora ezak nahastu zitzaizkidan. Toki ezezagunak eragindako nora eza eta irakurketak sortutako egonezina. Zaila zait hain karaktere gutxitan liburua azaltzea. Ez dakit nondik hasi: ETA, biktimak, alderdi politikoak, ezkerra, euskara, gizartea, etorkizuna, Euskal Herria, bereizketa, independentzia, globalizazioa, teknologia, hedabideak, iraultza, otzantasuna… milaka kilometro. Oinazera joan nahi eta Ganboara iritsi gara. Behin eta berriro errepikatzen den ideia. Ez dute asmatu. Asmatuko ote dugu? Hamaika zati txikiz osoturiko herria gara, ezer baldin bagara. “4 gehi 3 ja ez dira 7, ez dira 1 ere, eta ez dakigu zenbat izango diren azkenean”. Anarik: “Beste behin ere denborak nireak ziren lanak egin ditu”. Denborari utzi behar ote diogu gure-geureak diren lanak egiten? Ez dit gorputzaldi ona utzi liburuak. Idazleak Mondragon unibertsitateko EKT aditu-titulurako atondutako berbaldietako bat da kaleratutakoa. Amaiera aldean zelanbaiteko solasaldia izaten dute idazleak eta EKTko ikasleek. Baumanek dio benetako solasa ez dela zuk bezala pentsatzen dutenekin hitz egitea. Atera kontuak. Onartu behar dut, hala ere, liburu batek aspaldian ez zuela nigan hainbesteko lorratzik uzten.

Azken kritikak

Bidean ikasia
Arantxa Urretabizkaia

Roberto Moso

Jenisjoplin
Uxue Alberdi

Peru Iparragirre

Poz aldrebesa
Juanjo Olasagarre

Iratxe Retolaza

Pekineko kea
Beatriz Chivite Ezkieta

Hasier Rekondo

Iraganik gabe
Felipe Juaristi

Javier Rojo

Bidaiak
Jon Iñaki Lasa

Igor Estankona

Poz aldrebesa
Juanjo Olasagarre

Aiora Sampedro

Bi aldiz erditu zinen nitaz, ama
Alaine Agirre

Estibalitz Ezkerra

Bidaiak
Jon Iñaki Lasa

Javier Rojo

Dramak
Abelino Barriola

Aritz Galarraga

Labur txintan
Juan Kruz Igerabide

Igor Estankona

Haizeari begira
Jon Ariza de Miguel

Javier Rojo

Gerrak ez du emakume aurpegirik
Svetlana Aleksievitx

Javier Rojo

Haizeari begira
Jon Ariza de Miguel

Peru Iparragirre

Artxiboa

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Otsaila 2017

Urtarrila 2017

Abendua 2016

Azaroa 2016

Hedabideak