« Bizitzaren koloreak borborka | Dakienak idatzia »
Bitartean heldu eskutik / Kirmen Uribe / Susa, 2001
Bitartean heldu eskutik Irene Elorza / Maxixatzen, 2002-05
Gutxien komeni denean erabat fidagarriak diren estatistikek diotena sinetsi behar badugu, gero eta gutxiago irakurtzen omen dugu. Oraindik eta gutxiago irakurtzen dugu euskaraz eta poesia ez da izango generorik zabalduena ziurrenik. Beraz, gaur proposatuko dudan irakurketa gutxik hartuko dutela aurretik jakinda lasaiago idatziko dut aipamen txiki han. “La 2” konplexua sartu zait: “gutxiengo zabal batentzako” ari naizela, alegia.
Kirmen Uribe ondarrutar idazle gaztearen poesia liburu honek irabazi berri du Espainiako Literatur Kritikoen Elkarteak banatzen dituen Kritikaren Sarietako bat, iaz argitaratutako euskarazko poesia libururik onenari dagokiona hain zuzen. Aurtengo sari banaketa honek hedapen haundiagoa izan du literaturaz kanpoko beste “arrazoiak” direla medio baina sariak sari eta aipamenak aipamen, 2001eko Durangoko Azokan ere oso harrera ona izan zuen poema bilduma honek eta horixe da idazle batek jaso dezakeen ordainik onena dudarik gabe.
Hitzek beren esanahia galtzen ari diren une honetan idazlearen, eta konkretuki poetaren, betebeharra da hitzak berreskuratu eta benetako esanahiaz betetzea. Bizitza, maitasuna, oroimina, laguntasuna hizpide hartu eta bide berriak jorratzeari ekin dio Uribek oraingoan. Errealitatearen bilduma zatikatu honetan Carver gogora ekartzen diguten istorioak, idazteari buruzko hausnarketak, haikuak edota egunero gertatzen zaizkigun gauza barrigarriei buruzko poesia aurki dezakegu. Hitzen eta gauzen arteko zubiak eraikitzen laguntzen dute Kirmen Uriberen olerkiek.
Baina Aresti-Duchamp xake-partida izeneko poeman Uribek Arestiren hitzetan jarri duena hona ekarriz: “Poesiak ere ez dik esplikaziorik behar”.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez