kritiken hemeroteka

8.288 kritika

« | »

Maitasuna da geratzen den bakarra / Agustin Fernandez Paz (Uxue Alberdi) / Elkar, 2009

Oroimenaz Felipe Juaristi / El Diario Vasco, 2009-09-18

Esaldiak honela dio: “Eta konturatzen naizenean nola pasatu behar dugun mundu honetatik arrastorik utzi gabe, bizitza ergelak eraman eta gero, amorruz konprenitzen dut bizitzan maitasuna dela geratzen den bakarra”. Orhan Pamuken hitzak dira, bere eleberri elurrari buruzkotik ateratakoak. Zentzu poetikoan soilik esan daiteke maitasuna dela geratzen den bakarra, bestelakoan, errealitatean edo errealitateari buruzko ideiek asentatu duten munduan, maitasuna ere joan egiten baita beste gauza batzuekin batera. Baina literatura ez da errealitatea, baina batzuetan errealitateak baino indar handiagoa du, eguneroko gauza eta kontu txikiak ukitzen eta aldarazten dituenean.

Ipuin liburua da honako hau, Uxue Alberdik ondo itzulia euskarara, eta ipuin bakoitzaren atarian aipamen poetikoa ageri da, eskultura edo pintura lana balitz bezala, zer etorriko den adierazten. Paulo Auladellen irudiak ere zoragarriak dira, halako lainotasun sentipen zehaztu ezina zabaltzen baitute bazterretan, oso egokia ipuinak ulertzeko. Horietan giro poetikoa da nagusi, oroimenaren ariketaren bidez lortzen dena.

Tradizio askotatik hartuak dira, baina magikotasuna aldarrikatzen dute gehienek. Magikotasun horren eredugarri dira “Argitasun arraro hau” eta “Istorio mamu bat”. Fantasiaren lilurak bultzatutako hitzak dira, irakurlearen barneko zolan geratzeko etorriak, eta hor, mamuak bailiran, gora eta behera ibiliko dira, beren edertasun puska utziz, betirako.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak