susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Poesia behelainotan | Bizitza beteko lana »

Ipuinak / Franz Kafka (Xabier Kintana) / Erein, 1995

Inora gabe Javier Rojo / El Correo, 1996-04-25

Kafka gizaki modernoaren larridura hobekien isladatu duten idazleetako bat izan da. Bere pertsonaiak ulertzen ez duten mundu batean bizitzera zigortuta daude, haien delito bakarra gizakiak izatea delarik. Mundu honetan dena dute kontra. Epaiketa absurdoetan korapilatuta agertzen dira; bide amaitezinetan zehar ibili behar dute, inoiz iritsiko ez duten gaztelu batera joateko; inork sarituko ez dituen lanak egiten dituzte. Eta larridura existentzial honi etsipena besterik ezin zaio kontrajarri, absurdo honetatik ihes egiteko bide bakarra heriotza baita. Idazleak berak (Pragakoa, judua, alemanez idazten zuen) absurdo beraren partaidea dirudi. Orain, behinolako Itxuraldaketa horren ondoren, Kafkaren mundu itogarri hau euskaraz ezagutzeko aukera berri bat dugu Xabier Kintanak egindako ipuin batzuen itzulpenari esker. Gauza asko idatzi dira Kafkari buruz. Paul Auster-ek behin (The Art of Hunger saioliburuan; tituloak ere Kafka gogorarazten du) esandakoaz aprobetxatuko naiz ni: Ibili dabil, leku batetik bestera, eta nonbait pausatzeko gogoa dauka, baina hain zuzen horregatik (atseden hartzeko gogoa daukalako) aurrera jarraitzen du. Ibili dabil, inora heltzeko esperantzarik gabe.