« Hitzaren estetika | Bulkada lirikoak »
Txoria / Oh Jung-hi (Juan Kruz Igerabide) / Alberdania, 2006
Xaflaren zain Iker Zaldua / Noticias de Gipuzkoa, 2007-02-24
Filma korearrak ekarri dizkit gogora Txoria eleberriak. Eszenak solte ikusiz gero badirudi ezer ez dela gertatzen, deskribaketa hutsala baino ez da nabarmentzen eta aizkorakadaren zain zaude irrikaz, sabeleko harra ere esnatu egiten zaizu eta egonezina sumo duzu, bitartean gogoa hurrengo eszenan, hurrengo orrian, xaflak barneko harrari zintzurra nola moztuko dion esperoan.
Orriak agortuz doaz, harra sabelean dantzan eta xaflaren albisterik ez. Geldi doa dena, oso motel baina gertaerak eszenen arteko tartean ezkutatzen dira, istorioa harilkatu egin behar da eta moteltasunak sortzen duen hautsari putz eginez gero, gakoa ageri da, diz-diz.
Halako filmak birritan ikusi beharrekoak iruditzen zaizkit, ez lehenengoan ez duzulako dastatzen, bigarrenean xaflaren zain ez zaudelako baino. Hala ere, nago lehen aldi horretan sentitzen dena sentitu behar dela hurrena ikusteko. Txoria ere birritan irakurri behar dela uste dut, behin azken puntuarekin topo egitean xaflarik ez dagoela ohartzen baitzara eta hautsa kendu behar zaiela eszenei, orriei eta gakoei erreparatu behar zaie, elkarrizketei eta gogoetei.
Ondoren pentsatu Pak Umi dela protagonista, Uil dela bere anaia eta gogoratu Pakek 11 urte besterik ez dituela, anaia are gazteagoa dela eta ama hil egin zela eta aitak alde egin zuela. Horra xafla, goitik behera abiadura handiz, orriz orri indarra hartuz.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera