susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Sagarrak heltzen ari direnean | Jainko txikien bila »

Pott Banda / Jon Kortazar / Bilboko Udala, 2003

Pott Banda Javier Rojo / El Correo, 2003-06-25

Bilboko Bidebarrieta liburutegian 2001.eko urrian eta azaroan zehar erakusketa bat egin zen Pott Bandaren inguruan. Orain, erakusketa horri dagokion katalogoa datorkigu, Jon Kortazarren eskutik eta izenburuan “Pott Banda” hitzak besterik agertzen ez direlarik. 70eko hamarkadaren azken urteentan euskal kulturaren nondik norakoa berri izan dutenentzat, aski dira bi hitz horiek izen batzuk burura ekartzeko: Atxaga, Manu Erzilla, Iturralde, Jon Juaristi, Ordorika, Sarrionaindia izan ziren literatur talde horretan gehien nabarmendu zirenak euskal kulturan modernotasuna txertatu nahirik. Kortazarren liburuan, aldizkari horretatik argitaratu ziren sei aleen berri ematen zaigu, aldizkariak euskal literaturan izan zuen garrantzia gogoratuta, irudiak eta guzti. Honen ondoren, bost idazle eta kantari horren ibilbidea aztertzen da zehazkiago, Pott Bandaren barruan egin zuten lanaren mugatatik haraindi. Hogei urte pasatuta gero, ezinezkoa da talde horren lanari nostalgiarekin ez begiratzea. Atzerriko kulturetan ohikoak ziren planteamenduak erabili nahi zituzten, euskal literatura kanpokoekin parekatzeko, oztopoz betetako bideak urratuz. Eta ez da ahaztu behar gaur egungo euskal literatura garai hartan egindako lanaren ondorioa ere badela.