susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Villasante, esaterako | Harremanen gatazka »

Munstro abertzalea / Ignazio Aiestaran / Elkar, 2003

Euskaldun izateaz Javier Rojo / El Correo, 2003-05-14

“Munstro abertzalea” Ignazio Aiestaranek idatzitako poema liburuaren izenburua da. Eta izenburutik iradokitzen den bezala, izaerari eta identitateari buruzko hausnarketarako abiapuntua eskaini nahi duela ematen du. Izan ere, subjektu poetikoa definitzen duen ezaugarria euskalduna izatearena da. Baina poeta deitzen den subjektu poetiko hori euskaldun izateaz gain, euskaldun sentitzen da eta, areago, euskaldun dela sentitu nahi du. Izaeraren konstatazio hutsa baino ez da euskaldun izatea. Nahiaren eta jarrera aktiboaren ondorioa da euskaldun sentitu nahi hori. Gustatu ala ez, ulertu ala ez, munduan nazio identitatea gizakien izaera zehazten duen funtsezko gaitzat hartzen du poetak, ezinbestez hala gertatuko balitzaio bezala. Giza izaeraren zama, alegia. Gauzak honela, identitate hura onartu eta, identitate hura oinarria delarik, munduan izan nahi du. Hau da, euskaldun izatea munduan egoteko forma bat baino ez da. Hausnarketa, ordea, abiapuntua da, dudatan dagoena, zeren planteatzen dena, erantzun moduan barik, galdera moduan azaltzen baita, askotan hitz jokoetan-eta oinarritzen den poesia narratiboaren bidez. Liburuak, epilogo moduan, Joxe Azurmendiren testu luze bat dauka, erretorikaren erabilera trebearen adibide.