susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Ahozko literatura | Denon laguna »

Ekialdeko mamuak / Jon Arretxe / Elkar, 2002

Ekialdeko mamuak Ana Unanue / Aizu!, 2003-02

Istorioa: Ekialdeko Mamuak bidai kronika da. Jon Arretxe (Basauri, 1963) New Yorkeko Dorre Bikien aurkako erasoaren ondotik iritsi zen Istanbulera, eta handik Teheranerantz abiatu zen. Arretxek bizikletaz zeharkatu zituen Turkia eta Iran, 2.500 kilometroko ibilbidea eginez, eta bidai horretan izandako bizipenak bildu ditu liburuan.

Emaitza: Ekialdeko Mamuak liburu irakurterraza eta atsegina da, Turkia eta Irani buruz jakinmina pizten duena, baina lehendik ere jakinmin hori bazuen irakurlea asetuko ez duena, bisitatzen dituen herrien gainean oso azaletik idazten baitu Arretxek. Bidean ezagututako jendearen bitartez Ekialdi Hurbileko errealitatea hurbiltzen saiatzen da basauriarra, baina, nire irudiko, ez du lortzen, munduko asmo hoberenak izanik ere distantzia handiegia sumatzen delako mendebaldar bidaiariaren eta bertako herritar xumeen artean. Idazleak, normala denez, ez ditu hango hizkuntzak ezagutzen, hoteletan edo ostatuetan egiten du lo, oso denbora gutxi ematen du herri bakoitzean, atzerriko prentsaren edo CNNren bitartez dauka han gertatzen denaren berri_ Oztopo eta distantzia gehiegi bertako herritarren larruan sartu, haiekin hunkitu eta ondoren irakurlea hunkiarazteko. Alde horretatik interesgarriagoa iruditu zitzaidan ibilbide bera —eta gehiago— egin ondoren Amaia Elosegik eta Esther Mugertzak idatzitako Txirringaren aienean (Txalaparta, 1998).

Esaldia: “Ikaraz etorri nintzen. Orain, ostera, beldurra barik lotsa sentitzen dut herrialde abegitsu honetara (Iran) hamaika aurreiritzi ekartzeagatik”.